| Nummer:oub1691 | Datum:7. Juni 1369 | Overlevering:Editie | Vindplaats:Ostfriesisches Urkundenbuch, II, S. 654, nr. 1691 |
Wiard von Emden bittet die Osnabrücker Kaufleute, sich der Emder Bürger und Kaufleute, welche den bevorstehenden Markt zu Friesoyte besuchen wollen, anzunehmen.
Viris prudentibus et discretis institoribus ac mercatoribus de Asnibrugghe hec littera presentetur.[*] Preportatis singulis promtitudinem[*] producentibus pariter et amorem. Noverit vestrorum singulorum probitas presentem per tenorem, nostros cives ac concives necnon mercatores nobiscum commorantes firmissimo ac ratissimo habere in proposito cum eorum rebus fora et nundinas proxime adfuturas ac adfutura penitus visitare ac ad predictas nundinas in Oytte feria quinta ante festum Johannis baptiste[*] proclamatas plenius ac habundantius rebus et hominibus postulant venire Deo dante. Quare vestrorum singulorum industriam rogatibus studiosis rogo in hiis scriptis, quatinus vos ad prefatas nundinas propter vestrum lucrum necnon nostrorum profectum uberius bonis ac viris preparetis ac expediatis nostris in obviam occurrendo, velud noviter ac nuperrime mea promisistis ac confabulastis cum persona, in quo mihi ac nostris exhibetis complacenciam specialem. Datum et confirmatum per sigillum fratris mei Fredericii (!), prepositi in Emetha, quia sigillo nunc temporis curriculo nun utor, anno Domini millesimo CCCo LXo nono, feria quinta post dominicam, qua cantatur 'Factus es Domino' etc., per Wiardum de Emetha, vestrum fidelein fautorem.
