| Nummer:oub1654 | Datum:Friedeburg, 22. Febr. 1500 | Overlevering:Editie | Vindplaats:Ostfriesisches Urkundenbuch, II, S. 629, nr. 1654 |
Graf Edzard an Bürgermeister und Rath von Emden: Auftrag, den Prozess zwischen Karsten van Collen und Hans Kruesshair jetzt zu beendigen, eventuell Kruesshairs Güter mit Beschlag zu belegen.
Den ersamen unde voirsichtigen borgemeisteren unde raitmannen unser stadt Emeden, unsen leven getrouwen.
Edezardt, grave tho Oestfriesslandt etc. Unsen gruet unde alles gueden. Ersamen unde voirsichtigen leven getrouwen. Uns hevet clagende to erkennen gegeven unse leve underdane unde borgher unser stadt Emeden Karsten van Collen, wo einer, genompt Hans Kruesshair, one unde sine huesfrouwe unlanges seer versproken, verachtet unde mishandelt hebbe, unde deshalven Aschen van Zwychellt und Johannse, landtrechter, durch unse bevell hantastinge gedaen, nicht uit unser stadt Emeden to treckene, dan erst demeselven Karsten unde siner huesfrouwen im rechte tho antworden unde genoich to doende, unde so dan deselve Hans baven sodane hanttastinge van dair is getogen, unde nu weder gekamen unde de gebreke noch ungericht synn, in unse wille, gy de beide parthe voir juw laten kamene, clage unde antwordt, rede unde wederrede horen, unde dairan vorder doen, als sick na rechte geboirt, unde offte Kruesshair ghien gehoir wulde gheven, dan by sinen unbillichen voirnemende bliven, gy alsdan denselven mit sinen guederen arresteren bess tor tidt Karsten unde he inne rechte ader fruntschaff sin vurlyket, wairto juw ouck beflitigen deselven parthe in guetlicher wise to vurlyken, uns vorder moye unde unlede deshalven aen noden sy. Datum tor Vredeborg, ame dage cathedra Petri, anno XVc.
Edezardt, grave tho Oestfriesslandt etc. Unsen gruet unde alles gueden. Ersamen unde voirsichtigen leven getrouwen. Uns hevet clagende to erkennen gegeven unse leve underdane unde borgher unser stadt Emeden Karsten van Collen, wo einer, genompt Hans Kruesshair, one unde sine huesfrouwe unlanges seer versproken, verachtet unde mishandelt hebbe, unde deshalven Aschen van Zwychellt und Johannse, landtrechter, durch unse bevell hantastinge gedaen, nicht uit unser stadt Emeden to treckene, dan erst demeselven Karsten unde siner huesfrouwen im rechte tho antworden unde genoich to doende, unde so dan deselve Hans baven sodane hanttastinge van dair is getogen, unde nu weder gekamen unde de gebreke noch ungericht synn, in unse wille, gy de beide parthe voir juw laten kamene, clage unde antwordt, rede unde wederrede horen, unde dairan vorder doen, als sick na rechte geboirt, unde offte Kruesshair ghien gehoir wulde gheven, dan by sinen unbillichen voirnemende bliven, gy alsdan denselven mit sinen guederen arresteren bess tor tidt Karsten unde he inne rechte ader fruntschaff sin vurlyket, wairto juw ouck beflitigen deselven parthe in guetlicher wise to vurlyken, uns vorder moye unde unlede deshalven aen noden sy. Datum tor Vredeborg, ame dage cathedra Petri, anno XVc.
