Die zu Emden als Geiseln und sonst verweilenden (Westfriesen aus den Umlanden) bekunden, mit dem Grafen Edzard in Verhandlungen getreten zu sein, und das Bündniss mit der Stadt Groningen aufgegeben zu haben.

Wy dye gesent tho Emden tgysell oft anders zynnen und wy onse voervaders der ummelanden by Groningen tot twee ... ende hundert jaren, des ghen contrarie memorie en ys, regenten, gubernatoren, staed und macht gewest zynnen, bekennen, doen kunt unde openbaer, dat wy ergedachten mitten edelen unde wolgeboren heren, heren Edzarde, grave tho Oestfrieslanden, in zunderlinge tractaten und handelingen zynnen onse lande aendraffende, soe dat wy one twyvel tot ener goeder utdracht komen sollen voer ons, onse hulpers und anhangers, oeck dattet nicht nutte en zy, wy lange mitter staed Groningen in verbunde bliven umme sunderlinge marckliken last, schaden und gewalt, ons van der staed Groningen gekomen zynnen unde anderen zwaren zaken nu t lanck tho schriven zynnen. In kunde der waerheit unde merer festenisse soe hebben wy upgemelten deme erbaren gestrengen und vesten Hayen Ripperda, provest tho Farmsum und Dampne hovelinck, gebeden, dussen breeff voer ons tho segelen, des wy behagen und willen hebben. unde ick Hayo ergedacht umme dusser upgemelten begeren myn segel up spacium dusses breves gedruckt, anno Domini XCVIII^o, [*] des dages nae Francisci confessoris.
Ick juncker Roleff ... umme affwessende heer Abekens, ende provest Hayo Dytmer Reggers, Azege Aeylkama unse segele ghehangen, daer unser an ghenoget.

x

x

Fonds	Ostfriesisches Urkundenbuch, II
Fol.nr.	S. 616
Nr	1639
Olim	Gleichzeitige Abschrift im Archive zu Groningen. [1]
Jaar	1499
Datumcode	cFranci

x

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1639