| Nummer:oub1581 | Datum:17. Jan. 1498 | Overlevering:Editie | Vindplaats:Ostfriesisches Urkundenbuch, II, S. 573, nr. 1581 |
Graf Edzard von Osfriesland bekundet, den seiner Gemahlin Elisabeth zugesagten Brautschatz von 4000 Rheinischen Gulden von deren Vater, dem Grafen Johann von Rietberg erhalten zu haben.
Wy Edezardt, grave to Oistfrieslandt, enkennen unde betugen oppenbar yn dessen breve vor uns unde unsen erven, so alss uns de edele unde walgeborne juncher Johan, greve tome Retberge, myt der edelen unde walgeborne froughene Elizabeth, syner leyfften dochter, unser lewen husfrouwen, to brutschatte medegelovet hadde to gevende unde to betalende plychtich was veyrdusent guder vulwechtigen Overlendesschen Rinschen gulden na ynholt eynes recesses tusschen syner leyfften unde uns darup bededinget, bekennen wy nu, dat uns syne leyffte sodane summen gulden vorbenompt to wyllen unde genoge al unde genslich vernoget unde betalet hebben. Schelden syne leyffte, syne erven unde anerven quit, ledich unde loess sodane summen, unde uns syner leyffte deshalven gude betalinge bedancken. Des heben wy Edezardt grave vorg. tor orkunde unse ingesegele vor uns unde unsen erven wytliken up spacium desses breves doen drucken. Datum anno Domini millesimo quadringentesimo nonagesimo octavo, ipso die Anthonii confessoris.
