| Nummer:oub1555 | Datum:Norden, 27. Juli 1497 | Overlevering:Editie | Vindplaats:Ostfriesisches Urkundenbuch, II, S. 553, nr. 1555 |
Die Bürgermeister von Norden ersuchen die von Emden, gemäss der mit Kommissarien des Grafen von Ostfriesland getroffenen Abrede, bereits in Norden verzollte Waare bei Emden zollfrei passiren zu lassen.
An die Bürgermeister von Emden.[*]
Unszen vruntliken grueth thovoren. Eersamen, vorsichtigen, gude vrunde. Wij erfogen ju myt dem besten tho weeten, de weerdige provest mester Hickke, syn leve broder Hero Mauritius unde wij hebben samptliken thohope ghesproken van den tollen der gudere, tho Norden ghekoft worden, unde uth unses gnedigen leven heren synen landen ghevoret[*] worden tho scepe offte to wagene, oeck vorby Emden, waer men den scholden betalen; hebben de beyden vorscr. van wegen unses gnedigen leven heren gheantwordet unde uns ghesacht, sodane gudere bynnen Norden edder daerby buten Norden ghekoft edder ghevoret worden, scholen alle bynnen Norden worden vortollet, unde nergens anders bynnen unses gnedigen heren ghebede den tollen to holden unde bewaren, als dat unsen gnedigen leven heren belevet; de synt itlike koeplude ghewest in der inghestekener cedulen benompt, dewelkeer itlike guder in eyneme scepe van den Damme hebben ghekoft bynnen Norden unde de alle daersulfst vortollet, unde wy den tollen van eure allen an dz eynen jeweliken besunder hebben untfangen; begeren hyrumme, desse scipp, oeck andere gadere, de tho Norden vortollet synt, mogen unvorlettet, unvortovet vortan varen, dat wy also gansliken tho ju vorseen, wij doch alle under eynen heren beseten synt. Gade deme Heren tho allen tyden bevolen. Screven tho Norden, ame donredage negest Jacobi apostoli, anno etc. XCVIIo.
Ubbo Emen,
Hinrick Trit, [*] borgermeystere thoNorden.
Unszen vruntliken grueth thovoren. Eersamen, vorsichtigen, gude vrunde. Wij erfogen ju myt dem besten tho weeten, de weerdige provest mester Hickke, syn leve broder Hero Mauritius unde wij hebben samptliken thohope ghesproken van den tollen der gudere, tho Norden ghekoft worden, unde uth unses gnedigen leven heren synen landen ghevoret[*] worden tho scepe offte to wagene, oeck vorby Emden, waer men den scholden betalen; hebben de beyden vorscr. van wegen unses gnedigen leven heren gheantwordet unde uns ghesacht, sodane gudere bynnen Norden edder daerby buten Norden ghekoft edder ghevoret worden, scholen alle bynnen Norden worden vortollet, unde nergens anders bynnen unses gnedigen heren ghebede den tollen to holden unde bewaren, als dat unsen gnedigen leven heren belevet; de synt itlike koeplude ghewest in der inghestekener cedulen benompt, dewelkeer itlike guder in eyneme scepe van den Damme hebben ghekoft bynnen Norden unde de alle daersulfst vortollet, unde wy den tollen van eure allen an dz eynen jeweliken besunder hebben untfangen; begeren hyrumme, desse scipp, oeck andere gadere, de tho Norden vortollet synt, mogen unvorlettet, unvortovet vortan varen, dat wy also gansliken tho ju vorseen, wij doch alle under eynen heren beseten synt. Gade deme Heren tho allen tyden bevolen. Screven tho Norden, ame donredage negest Jacobi apostoli, anno etc. XCVIIo.
Ubbo Emen,
Hinrick Trit, [*] borgermeystere thoNorden.
