| Nummer:oub1513 | Datum:Aurich, 10. Dez. 1496 | Overlevering:Editie | Vindplaats:Ostfriesisches Urkundenbuch, II, S. 519, nr. 1513 |
Graf Edzard entschuldigt bei Edo Wiemken das Ausbleiben seiner Abgesandten am 28. November zu Burmönken, doch habe er den 19. Dezember vorgeschlagen, Edo möge dem Ueberbringer dieses Schreibens seinen früheren von demselben Schreiber geschriebenen Brief zeigen, um festzustellen, auf wessen Seite das Versehen sei u. s. w.
Deme erbern unde duchtigen Edo Wymeken, tho Jhever hovetling, unsen gueden frundhe.
Edeszardt, greve to Oestfriesslant etc. Unsen gruet. Erber unde duchtige guede frundt. Wy hebben erfaren, wo de gestrenge unde erbern Hero Ommeken unde Garlich Schulte ame maendage voir Andree syn gewest to Bursmoneken ime cloister, alls des dages haben etc., den wy jodoch juw hadden laten betekenen des maendages voir Thome apostoli[*] dairselvest ime cloister to wairden, so unse scriffte deshalven an juw gesandt woll sollen vurmelden. Begheren gy desem unsen dener sodanne schriffte, de he selves geschreven hevet, laten sehen, umme to weten, by weme de erronge geschienn sy, auch dat gy willenn bestellen sommige unse gevangen van Schortensen, als Gerhelt to Slepennse syn son unde etliche andere na vurmoge juwer segelle unde breve, mit den erstenn weder im holdenn, so se gelavet unde gesworen hebn, unde de gegangen soen in deme deille vullentheen, vurder dat Redert to Nenndorpp betale datghene, he unns schuldich is, so wy ouck voirhen vake an juw derwegen hebn geschreven, wowoll uns doch so to juw nicht hedden vursehen, wes ouck juw meynonge is des dages halven, offte gy den up voirger. maendage voir Thome apostoli willen laten holden ader nicht uns by jegenwordigen weder vurwittigen, dairna wy uns mogenn weten to hebn. Datum Awrick, ame saterdage na conceptionis Marie virginis, anno XCVIo.
Edeszardt, greve to Oestfriesslant etc. Unsen gruet. Erber unde duchtige guede frundt. Wy hebben erfaren, wo de gestrenge unde erbern Hero Ommeken unde Garlich Schulte ame maendage voir Andree syn gewest to Bursmoneken ime cloister, alls des dages haben etc., den wy jodoch juw hadden laten betekenen des maendages voir Thome apostoli[*] dairselvest ime cloister to wairden, so unse scriffte deshalven an juw gesandt woll sollen vurmelden. Begheren gy desem unsen dener sodanne schriffte, de he selves geschreven hevet, laten sehen, umme to weten, by weme de erronge geschienn sy, auch dat gy willenn bestellen sommige unse gevangen van Schortensen, als Gerhelt to Slepennse syn son unde etliche andere na vurmoge juwer segelle unde breve, mit den erstenn weder im holdenn, so se gelavet unde gesworen hebn, unde de gegangen soen in deme deille vullentheen, vurder dat Redert to Nenndorpp betale datghene, he unns schuldich is, so wy ouck voirhen vake an juw derwegen hebn geschreven, wowoll uns doch so to juw nicht hedden vursehen, wes ouck juw meynonge is des dages halven, offte gy den up voirger. maendage voir Thome apostoli willen laten holden ader nicht uns by jegenwordigen weder vurwittigen, dairna wy uns mogenn weten to hebn. Datum Awrick, ame saterdage na conceptionis Marie virginis, anno XCVIo.
