| Nummer:oub1501 | Datum:Aurich, 10. Sept. 1496 | Overlevering:Editie | Vindplaats:Ostfriesisches Urkundenbuch, II, S. 509, nr. 1501 |
Graf Edzard bittet Bremen, zu der Tagfahrt, welche er um die noch unbeglichenen Streitpunkte mit Edo Wiemken zu schlichten vertragsmässig anberaumt habe, und zwar am 26. September zu Langwarden in Butjadingerland, Abgesandte zu schicken.
Den ersamen unde wisen borgemeisteren unde rade der stadt Bremen, unsen besonderen gueden frunden.
Edeszart, greve to Oestfrieslandt etc. Unsen fruntlichen gruet voir. Erszamen unde wisen, besondern gueden frunde. Alls dan in der szoene tuschen unns unde den erbern Edo Wymeken, to Jhever hovetling, ame latesten to Bursmoncken gegangen, noch etliche gebreke tuschen unns unde unse bewanten, alls den gemeynen state unde steden van Hollandt unde denselven Edo Wymeken wesende, an juwe wysheiden unde de erszamen van Hamborch upp gelyche stede unde tydt, de wy mochten vurramen unde vurschriven, hengestalt unde vurbleven syn, na vurmoge der szoenbreve, so hebben wy nu deshalven den gemelten state unde steden van Hollandt einen fruntlichen dag betekent to holden ame maendage na Mathei apostoli negest anstaende to Langwerden in Butjadinghe, unde ore antworde untfangen, dat se deme so willen volgich sin; begheren wy seer fruntlichen, juwe wysheiden alsdan upp de selve stede unde tydt juwe drepliche sendeboden unde frunde uit deme rade dair willen by schicken, urnme sodanne schelinge to vurclaren. Denn wy unns to juwen ersamheiden so gentzlichen vurlaten. So wy ouck in gelyker mathe den van Hamborch unde Edo Wymeken hebben vurwittiget. Gade almechtich langwirich gesundt bevolen. Datum Awrigc, ame saterdage na nativitatis Marie virginis, anno XCVIo.
Edeszart, greve to Oestfrieslandt etc. Unsen fruntlichen gruet voir. Erszamen unde wisen, besondern gueden frunde. Alls dan in der szoene tuschen unns unde den erbern Edo Wymeken, to Jhever hovetling, ame latesten to Bursmoncken gegangen, noch etliche gebreke tuschen unns unde unse bewanten, alls den gemeynen state unde steden van Hollandt unde denselven Edo Wymeken wesende, an juwe wysheiden unde de erszamen van Hamborch upp gelyche stede unde tydt, de wy mochten vurramen unde vurschriven, hengestalt unde vurbleven syn, na vurmoge der szoenbreve, so hebben wy nu deshalven den gemelten state unde steden van Hollandt einen fruntlichen dag betekent to holden ame maendage na Mathei apostoli negest anstaende to Langwerden in Butjadinghe, unde ore antworde untfangen, dat se deme so willen volgich sin; begheren wy seer fruntlichen, juwe wysheiden alsdan upp de selve stede unde tydt juwe drepliche sendeboden unde frunde uit deme rade dair willen by schicken, urnme sodanne schelinge to vurclaren. Denn wy unns to juwen ersamheiden so gentzlichen vurlaten. So wy ouck in gelyker mathe den van Hamborch unde Edo Wymeken hebben vurwittiget. Gade almechtich langwirich gesundt bevolen. Datum Awrigc, ame saterdage na nativitatis Marie virginis, anno XCVIo.
