Testament des Iko Onken, Häuptlings zu Knyphausen, während seiner Krankheit errichtet.

Testament des Iko Onken, Häuptlings zu Knyphausen, während seiner Krankheit errichtet. Es folgen nur die Ostfriesland angehenden Punkte. ... Item so gheve ick myner moder all myn naghelathen gudere, borch erve, so ich dath ghebruket hebbe de tyt eres levendes, ende wen se vorschedeth na den wyllen Godes, so schall yth myn vedder Folleff hebben unde syne erven unde anerven tho ewyghen tyden, so myn vader vorhen unde ick na dath ghebruketh heb myt aller heerlyckheit unde ansprake, dar ick recht tho hebbe myt lenynghe unde vorlenynghe myt alsulken beschede, dath Folleff, myn vedder unde syne erven, dat schullen tho leen entfanghen van den edelen ende walgheboren heren, heren Edzardt unde Uken ghebroderen, eren ghenaden erven, tho ewyghen tyden, graven tho Oestfreslandt etc., na uthwysynghe myner segell unde breve, den yck eren ghenaden ghegheven hebbe tho Jever yn der kercken yn bywesen Heeren Mauritius unde Victor Frese unde Nycolaus Byngen, secretarius, vor enen notarius darby ghenamen; do laveden my eren ghenaden my unde mynen vedderen Folleff nycht tho vorlathen, des ick syner ghenade bedancke. Off juncker Ede yenyghe ansprake up Knypensen wolde doen van mynes selyghen vaders weghe, dat wedderrope ick myt beschede, wente he mynen vedderen Folleff unde my na unde myn moder wedder Gode, eer, reden offte recht yn vryen gheleyde unde guden gheloven, dat hy my lavede myt syner vurderhandt tho Oestervelde yn den kloester, vry unde velych uth unde tho huess, dar enbaven leeth he my grypen dorch synen swagher Heeren Omken vor der lude weghe, dath ick up myn leste neme, dat ick nu yeghen em noch synen swagher ghedaen hadde noch dachte tho donde, oeck em nycht schuldich was. Item so gheve ich heren Edzardt, graven to Oestfreslandt, dat schymmelde perdt, dat he yo Folleff nycht vorlathe ... Item so gheve ich den grothen schymmelden paghen unser leven Frouwen ton Velde [*] ...
Zu Testamentsexekutoren ernennt lko seinen Beichtvater den Herrn Leibe, Pfarrer von Ackum, ferner die Pfarrer Grelef von Sengwarden und Arndt von Fedderwarden, sowie die Vikare Merinck zu Sengwarden und Gerdt zu Fedderwarden, endlich seinen Schreiber Johannes.
... Na der bort Cristi M^o CCCC^o XCV^o, am den avende Mychahelis archangeli.

x

x

Fonds	Ostfriesisches Urkundenbuch, II
Fol.nr.	S. 469
Nr	1457
Olim	Orig. Perg. im Grossherzogl. Archive zu Oldenburg.
Jaar	1495
Datumcode	vMichae

x

x

Commentaar	Es siegeln die drei genannten Pfarrer: 1. Ein Geistlicher mit Stab und Buch. 2. Das Bild des h. Georg, zu Fusse, mit der Lanze einen Drachen tödtend. 3. ein Blumenstrauch.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1457