| Nummer:oub1400 | Datum:Horstmar, 21. Juli 1494 | Overlevering:Editie | Vindplaats:Ostfriesisches Urkundenbuch, II, S. 418, nr. 1400 |
Bischof Heinrich von Münster schreibt an den Ritter Hero von Dornum, Häuptling zu Esens, Stedesdorf und Wittmund mit dem Versprechen, in vierzehn Tagen vom Emslande aus einige Räthe ihm zu senden, um mit ihm und seinem Schwager weiter zu verhandeln.
Deme erberen unsen guden frunde heren Hero van Dornum ritter, to Esensse, Stedesdorppe unde Wytmunde hovetlinge etc.
Hinrick van Gots gnaden bisscop to Munster unde der hilligen kercken to Bremen administrator. Erber gude frundt. Als y uns uppe unse nylonxste genante an u unde uwen swager schryffte des unvruchtbers affscheydes der geholdenen dedinge tusschen unsen deputeerden reeden unde geschickeden van den Vresen, wij u beyde mede in voren deden, wij uns in eyn ort unses landes na u vogen u verschryven, unde unse reede tegen u beyde schicken doen wolden unde des mede begeren, zo darvan vorder vermeldet u breff, so werden wy uns morgene vogende unsen Emeslande, unde denken deshalven u beyde in korte by vertheyndagen up eyne gelegene bequeme stede te doen verschrijven, unde unse dreplike reede tegen u to schickene, umme alsdan van den saken vorder to handelen unde overkomene na der gelegenheit, dar y u myt uwen swager so na hebn willen, als wij des xo gude toversicht hebn. Gegeven to Horstmar, up sunte Marien Magdalenen avendt, anno etc. XCIIIIo.
Hinrick van Gots gnaden bisscop to Munster unde der hilligen kercken to Bremen administrator. Erber gude frundt. Als y uns uppe unse nylonxste genante an u unde uwen swager schryffte des unvruchtbers affscheydes der geholdenen dedinge tusschen unsen deputeerden reeden unde geschickeden van den Vresen, wij u beyde mede in voren deden, wij uns in eyn ort unses landes na u vogen u verschryven, unde unse reede tegen u beyde schicken doen wolden unde des mede begeren, zo darvan vorder vermeldet u breff, so werden wy uns morgene vogende unsen Emeslande, unde denken deshalven u beyde in korte by vertheyndagen up eyne gelegene bequeme stede te doen verschrijven, unde unse dreplike reede tegen u to schickene, umme alsdan van den saken vorder to handelen unde overkomene na der gelegenheit, dar y u myt uwen swager so na hebn willen, als wij des xo gude toversicht hebn. Gegeven to Horstmar, up sunte Marien Magdalenen avendt, anno etc. XCIIIIo.
