| Nummer:oub1393 | Datum:14. Mai 1494 | Overlevering:Editie | Vindplaats:Ostfriesisches Urkundenbuch, II, S. 410, nr. 1393 |
Bürgermeister und Rath von Groningen bekunden, von der Stadt Hamburg die über Emden und Leerort am 10. April 1453 ausgestellte Urkunde in Verwahrung erhalten zu haben und sie so lange als Depositum behalten zu wollen, bis die Grafen von Ostfriesland der Stadt Hamburg die in den Urkunden vom 26. Mai und 5. Oktober 1493, Nr. oub1361 und oub1370, ausbedungenen 10000 Lübecker Mark entrichtet haben werden.
Wy borgermeistere unde radmanne der stad Groninghen bekennen unde bethughen apenbare in dussem unssem breve vor alleszweme, dat wy uppe huthe datum diesses breves von dem eersamen rade von Hamburgh entfangen unde in gude vorwaringhe genomen hebben eynen breff, holdende uppe de stede unde slothe Emeden unde Lerorde, ludende van worden tho worden alduss
Es folgt die Urkunde vom 10. April 1453. Nr. 658.
Welkeren breff wy erbenante borgermeistere, radmanne unde unse nakomelinge by unss in guder vorwaringe scholen unde willen holden, so langhe de eddellen wolgebornen Edzard unde Uko gebrodern, greven in Oestfreesland, edder ere erven, dem genanten rade von Hamborgh offte eren nakomelingen teyndusent Lubesche margk deger unde all woll tor noghe entrichtet hebben, edder wanner de gnanten greven sodanen geloven by uns edder anderswor, daran de gnante von Hamborgh des tofreden syn, gemaket hebben, dat sodane teindusent Lub. margk wol to dangke scholen gegulden unde betalet werden. Denne scholden unde willen wy den gnanten greven edder eren nakomelingen sodanen breff mit wetende unde vulbord der gnanten von Hamborgh averantwerden, unde sodanen breff der gnanten greven, ladende uppe teyndusent rnargk, von den van Hamborgh versegelt, den gnanten von Hamborgh dergelicken averantwerden, na lude unde inholde, segelt unde breven tusschen den gnanten greven ende dem rade von Hamborgh nu unlanges daraver gemaket unde gegeven.[*] Alle vorscreven stucke unde artikell bavengescreven laven unde tosegghen wy borgermeistere unde radmanne tho Groninghen erbenant dem erszamen rade to Hamborgh in krafft desses breves stede, vast unde unverbroken wol to holdende sunder alle argelist. To groter orkunde unde tuchnisse hebben wy unser stad segell witliken an dessen breff hethen henghen, de gegeven unde gescreven is nach Cristi gebord unses Heren verteynhundert im ver unde negentichsten jar, am midweken vor den hillighen Pinghsteren.
Es folgt die Urkunde vom 10. April 1453. Nr. 658.
Welkeren breff wy erbenante borgermeistere, radmanne unde unse nakomelinge by unss in guder vorwaringe scholen unde willen holden, so langhe de eddellen wolgebornen Edzard unde Uko gebrodern, greven in Oestfreesland, edder ere erven, dem genanten rade von Hamborgh offte eren nakomelingen teyndusent Lubesche margk deger unde all woll tor noghe entrichtet hebben, edder wanner de gnanten greven sodanen geloven by uns edder anderswor, daran de gnante von Hamborgh des tofreden syn, gemaket hebben, dat sodane teindusent Lub. margk wol to dangke scholen gegulden unde betalet werden. Denne scholden unde willen wy den gnanten greven edder eren nakomelingen sodanen breff mit wetende unde vulbord der gnanten von Hamborgh averantwerden, unde sodanen breff der gnanten greven, ladende uppe teyndusent rnargk, von den van Hamborgh versegelt, den gnanten von Hamborgh dergelicken averantwerden, na lude unde inholde, segelt unde breven tusschen den gnanten greven ende dem rade von Hamborgh nu unlanges daraver gemaket unde gegeven.[*] Alle vorscreven stucke unde artikell bavengescreven laven unde tosegghen wy borgermeistere unde radmanne tho Groninghen erbenant dem erszamen rade to Hamborgh in krafft desses breves stede, vast unde unverbroken wol to holdende sunder alle argelist. To groter orkunde unde tuchnisse hebben wy unser stad segell witliken an dessen breff hethen henghen, de gegeven unde gescreven is nach Cristi gebord unses Heren verteynhundert im ver unde negentichsten jar, am midweken vor den hillighen Pinghsteren.
