Das Cisterzienserkloster Termünten verkauft dem Kloster Langen drei Grase Landes im Larrelter Hammrich.

Wy Hynricus abt, Hermannus prior, Gherardus supprior ende Gherardus kelner, ende ghemeene conventsluede des cloesters ter Munte, der oerden van Cystercien, bekennen unde tughen voer uns ende unse nacomelynge, dat wy hebben vercoft, upghedraghen ende overghegeven den eersamen proest tho Langhen, heren Johan van Boemel, tot behoeff des convents to Langhen, drye grase landes, beleghen up die norderzijd van den wech, die daer strecket van Lerlt to Laquart, aldernaest des cloesters vorscr. lant to Langhen, ende is geheyten die Hoern, ende dit eergenante lant is ghelegen in Lerlter haemryck, vry ende quijt ewelyken ende erflicken voer ene summe gheldes, [*] die uns vul ende al wael is betalet tot behoeff unses voerscr. convents sonder arghelist. In orkunde der waerheyt hebben wij Hynricus abt, Hermannus prior, Gerardus supprior ende Gherardus kelner unses convents zeghel aen dessen bryeff gehangen. In den jare uns Heren dusent vyerhondert ende drye entneghentich, des saterdages na Phylippi et Jacobi apostolorum.

x

x

Fonds	Ostfriesisches Urkundenbuch, II
Fol.nr.	S. 385
Nr	1358
Olim	Orig. Perg. Kl. Langen, Urk. Nr. 65. — Msc. A. 88. Fol. 86.
Jaar	1493
Datumcode	SpPhiJac

x

x

x

Commentaar	Das Siegel ist zerbrochen, nur ein kleines Fragment ist übrig, auf dem der untere Theil einer Gestalt in geistlicher Tracht zu sehen ist.

x

Materiaal	papier

x

Edities	E. Friedländer, Ostfriesisches Urkundenbuch II (Emden 1881), nr. 1358