| Nummer:oub1336 | Datum:2. Okt. 1492 | Overlevering:Editie | Vindplaats:Ostfriesisches Urkundenbuch, II, S. 370, nr. 1336 |
Der Drost von Delmenhorst u. s. w., Wilhelm von denn Busche, an Ritter Hero von Dornum: über die Absicht seines Herrn, des Grafen von Oldenburg, zu ihm zu kommen, um über die Ausführung den zu Kloppenburg verhandelten Dinge u. A. zu berathen.
Deme erberen unde strengen heren, Hero van Dornum, to Essense, Stegestorpe unde Wytmunde ritter, mynen sunderlinx leven heren unde guden frunde, denstliken gescreven.
Mynen willigen denst tovoren myd vermoge alles guden. Erber strenge leve here. Juwer leiffden wederantworde up myne schriffte hebbe ick gutlich an my genamen, vurstan, unde mynen genedigen heren vort bihandelt; darup my syne genade vorwittiget hefft, syne genade sick un- langest wil sogen in dessen ort landes umme juw unde juwer leiffden swager to vorschryven de dinge, anne latesten tor Cloppenborch oversprocken worden, de to vullentheyne, dar gij juw to vorlaten sangen, want myn genedige here juw ende juwer leiffden swager nicht en dencket to vorlatene unde syne genade sick dar ock to vorledt. Ock myd den knechten dar sall kortte bodeschup by juw umme komen, ich juwer leffden so in den besten tor kennen gheve; wes dessen juwe leiffden gude meninge is, beger ick juwe gutliche bescreven antworde, ick mynen genedigen heren moge t orkennen gheven; konde ich juw war denst ende willen an bewysen, dede ich altyd myd flyte gerne, kendt God, de juw mote sparen sallich ende gesunt. Gescreven under mynen ingesegel, des dinxtdages post Remigii, anno etc. XCIIo.
Wilhelm van den Bussche, to Delmenhorst unde Harpstede droste.
Mynen willigen denst tovoren myd vermoge alles guden. Erber strenge leve here. Juwer leiffden wederantworde up myne schriffte hebbe ick gutlich an my genamen, vurstan, unde mynen genedigen heren vort bihandelt; darup my syne genade vorwittiget hefft, syne genade sick un- langest wil sogen in dessen ort landes umme juw unde juwer leiffden swager to vorschryven de dinge, anne latesten tor Cloppenborch oversprocken worden, de to vullentheyne, dar gij juw to vorlaten sangen, want myn genedige here juw ende juwer leiffden swager nicht en dencket to vorlatene unde syne genade sick dar ock to vorledt. Ock myd den knechten dar sall kortte bodeschup by juw umme komen, ich juwer leffden so in den besten tor kennen gheve; wes dessen juwe leiffden gude meninge is, beger ick juwe gutliche bescreven antworde, ick mynen genedigen heren moge t orkennen gheven; konde ich juw war denst ende willen an bewysen, dede ich altyd myd flyte gerne, kendt God, de juw mote sparen sallich ende gesunt. Gescreven under mynen ingesegel, des dinxtdages post Remigii, anno etc. XCIIo.
Wilhelm van den Bussche, to Delmenhorst unde Harpstede droste.
