| Nummer:oub1224 | Datum:18. Mai 1488 | Overlevering:Editie | Vindplaats:Ostfriesisches Urkundenbuch, II, S. 279, nr. 1224 |
Edo Wiemken en Bremen: Klage über gebrochenen Waffenstillstand seitens der Wurster.
Den ersamen unde vorsichtigen borgermestere unde raedtmannen der stadt Bremen, mynen gueden frunden.
Ersamen gueden frundes. Vor my syndt irschenen itlyke myne beseten undersaten, namptlich Ede Sybrandes, Julff Sybedt unde Robe Ammerman, my kleghelyken ghevende tho irkennen, so se umbe erer nerynghe unde rechtverdigher kopenscapp weren over ghereyset imme lande tho Wursten, hebben se denn de Wurster gherovet, ghestocket unde blocket, uppe loffte unde ede ghedranghet, unde wes se redes by sick hedden, affhendich ghemaket, alse 11 goldtgulden, 13 Post. gulden, twe Bremer mark in sulverwercke, eyn armborst myt syn thobehoer, 3 hoyken, eyn speedt, unde eyne korden; so denn de gheduchtighe myn leve swagher, ick unde Iko to Knypense, juw unde den Oesterschen steden to willen myt den Gronynger, Detmarschen unde Wurster eyn frundtlik bestandt beth uppe Paeschen erstkomende hedden benatet unde angenomen, unde juw dosulffs rede vorhen eer der tyt dyt gheschiedt, is unse vorseghelynghe dairuppe ten handen gheschickt, wairumbe my van on. sodanes gans seer befremdet, unde hedde my dess so to on nycht vorsien, wo deme iss myne frundtlike begheer myt andacht, gy idt my to willen so myt ernste willen vorarbeyden, de upgenante myne undersaten sodaner fengknisse halver wedder mogen qwydt gheschulden worden, unde eer affgenomen guedere wedder ghehandtreckt edder na gheweerde mogen betaeldt worden, anghesien wy juw unsen bestandesbrieff rede vorhen vorsegeldt ten handen gheschickt hadden; wo deme averst alsonicht en ghescheghe, konnen gy denne woll irmarcken, my dair nicht mede sta do duldende; unde wess de myne dusses geneten wogen, desses begere ick juwe guedtlyke bescreven antworde wedderumbe. Gode bevolen. Datum ame sondage vor Pinxten, anno LXXXVIIIo.[*]
Edo Wymeken, tho Jhever etc. hovetling.
Ersamen gueden frundes. Vor my syndt irschenen itlyke myne beseten undersaten, namptlich Ede Sybrandes, Julff Sybedt unde Robe Ammerman, my kleghelyken ghevende tho irkennen, so se umbe erer nerynghe unde rechtverdigher kopenscapp weren over ghereyset imme lande tho Wursten, hebben se denn de Wurster gherovet, ghestocket unde blocket, uppe loffte unde ede ghedranghet, unde wes se redes by sick hedden, affhendich ghemaket, alse 11 goldtgulden, 13 Post. gulden, twe Bremer mark in sulverwercke, eyn armborst myt syn thobehoer, 3 hoyken, eyn speedt, unde eyne korden; so denn de gheduchtighe myn leve swagher, ick unde Iko to Knypense, juw unde den Oesterschen steden to willen myt den Gronynger, Detmarschen unde Wurster eyn frundtlik bestandt beth uppe Paeschen erstkomende hedden benatet unde angenomen, unde juw dosulffs rede vorhen eer der tyt dyt gheschiedt, is unse vorseghelynghe dairuppe ten handen gheschickt, wairumbe my van on. sodanes gans seer befremdet, unde hedde my dess so to on nycht vorsien, wo deme iss myne frundtlike begheer myt andacht, gy idt my to willen so myt ernste willen vorarbeyden, de upgenante myne undersaten sodaner fengknisse halver wedder mogen qwydt gheschulden worden, unde eer affgenomen guedere wedder ghehandtreckt edder na gheweerde mogen betaeldt worden, anghesien wy juw unsen bestandesbrieff rede vorhen vorsegeldt ten handen gheschickt hadden; wo deme averst alsonicht en ghescheghe, konnen gy denne woll irmarcken, my dair nicht mede sta do duldende; unde wess de myne dusses geneten wogen, desses begere ick juwe guedtlyke bescreven antworde wedderumbe. Gode bevolen. Datum ame sondage vor Pinxten, anno LXXXVIIIo.[*]
Edo Wymeken, tho Jhever etc. hovetling.
