| Nummer:oub1212 | Datum:5. März 1488 | Overlevering:Editie | Vindplaats:Ostfriesisches Urkundenbuch, II, S. 270, nr. 1212 |
Häuptling Edo Wiemken an Bremen.
Den ersamen unde vorsichtighen borghermesteren unde raedtmannen der stadt Bremen, mynem besunderen ghunstighen gueden frundes, frundtlychen ghescreven.
Mynen frundtlychen gruedt thovoren. Ersamen vorsichtighen gueden frundes. Juwe frundtlyche scriffte my uppe myne vorscriffte itsundes behendeth, meldende, gy beth heertho nye hebben gheweten, sodane knechte, gy noch myt juw sittende heben, scholen myns swagers syne ghewesen, so dat myne vorscriffte scholen untdecket hebben myt meer worden etc. heb ick guedtlychen untfangende alles inholdes woll vernomen; so ist, gueden frundes, ich juw sodass in alsulcker menynghe nicht ghescreven hebbe, syne knechte umbe de juwe tho beschedighende mede hebben uthghewesen, sunder doe he salighen Ernste unde syne hulpere gheleydet hadde, konnen gy wall irmarcken, he se ghelick syne knechte dechte tho vordeghedinghen; so gy dan ock furder beroren, begherende, ich by deme upgenanten mynem leven swager so mochte dhoen irfuegen, juwe borghere myt iren schepen unde guederen erer berate noch mochten qwydtgheschulden worden, wente de hoegheboren furste myn gnedige leve heere van Munster unde ick scholen juwer myt on tho nemende unde tho donde altyt tho rechte mechtich syn etc., dusses denne, besunderen gueden frundes, heb ich my derhalven juw tho willen by den vilgenanten leven swager persoenlyken irfueghet, on juwe scriffte untopendt unde tho irkennen gheven, hebbe danne mytten besten on berichtende dairupp under anderen in antworde irlanghet, dencke he ock syne sake by deme eerghemelten hoegheboren fursten mynem gnedigen leven heren van Munster unde my tho stellende, wy syner tho rechte scholen mechtich syn; so danne juwe vorscriffte vormelden, ock van deme werdigen heren, heren Hinricke Bogkholdt, tho Baerdewyck proveste, iss ghedeghedinghet, wanneer he dejhennen syne sake uppe dechte tho stellende hadde noemhafftich ghemaket, denne dechten gy de knechte erer fengknisse qwydt to scheidende, denne he nuw also ghedaen hefft, wairurnbe iss gueder menynghe myne frundtlyche begheer, deme nuw also gheschien moghe, danne hefft he juwe borghere myt schepen unde guederen an myne handt ghestaldt, de ick danne juw tho willen erer besate voert vorlate unde qwydtschelde, unde offte de knechte hyruppe oerer fengknisse mogen untslagen worden, dessen beghere ick juwe guedtlyke bescreven antworde wedderumbe. Gode bevolen. Ghescreven ame midweken na Reminiscere, anno LXXXo octavo.[*]
Edo Wymeken, tho Jhever etc. hovetling.
Mynen frundtlychen gruedt thovoren. Ersamen vorsichtighen gueden frundes. Juwe frundtlyche scriffte my uppe myne vorscriffte itsundes behendeth, meldende, gy beth heertho nye hebben gheweten, sodane knechte, gy noch myt juw sittende heben, scholen myns swagers syne ghewesen, so dat myne vorscriffte scholen untdecket hebben myt meer worden etc. heb ick guedtlychen untfangende alles inholdes woll vernomen; so ist, gueden frundes, ich juw sodass in alsulcker menynghe nicht ghescreven hebbe, syne knechte umbe de juwe tho beschedighende mede hebben uthghewesen, sunder doe he salighen Ernste unde syne hulpere gheleydet hadde, konnen gy wall irmarcken, he se ghelick syne knechte dechte tho vordeghedinghen; so gy dan ock furder beroren, begherende, ich by deme upgenanten mynem leven swager so mochte dhoen irfuegen, juwe borghere myt iren schepen unde guederen erer berate noch mochten qwydtgheschulden worden, wente de hoegheboren furste myn gnedige leve heere van Munster unde ick scholen juwer myt on tho nemende unde tho donde altyt tho rechte mechtich syn etc., dusses denne, besunderen gueden frundes, heb ich my derhalven juw tho willen by den vilgenanten leven swager persoenlyken irfueghet, on juwe scriffte untopendt unde tho irkennen gheven, hebbe danne mytten besten on berichtende dairupp under anderen in antworde irlanghet, dencke he ock syne sake by deme eerghemelten hoegheboren fursten mynem gnedigen leven heren van Munster unde my tho stellende, wy syner tho rechte scholen mechtich syn; so danne juwe vorscriffte vormelden, ock van deme werdigen heren, heren Hinricke Bogkholdt, tho Baerdewyck proveste, iss ghedeghedinghet, wanneer he dejhennen syne sake uppe dechte tho stellende hadde noemhafftich ghemaket, denne dechten gy de knechte erer fengknisse qwydt to scheidende, denne he nuw also ghedaen hefft, wairurnbe iss gueder menynghe myne frundtlyche begheer, deme nuw also gheschien moghe, danne hefft he juwe borghere myt schepen unde guederen an myne handt ghestaldt, de ick danne juw tho willen erer besate voert vorlate unde qwydtschelde, unde offte de knechte hyruppe oerer fengknisse mogen untslagen worden, dessen beghere ick juwe guedtlyke bescreven antworde wedderumbe. Gode bevolen. Ghescreven ame midweken na Reminiscere, anno LXXXo octavo.[*]
Edo Wymeken, tho Jhever etc. hovetling.
