| Nummer:oub1197 | Datum:Esens, 27. Okt. 1487 | Overlevering:Editie | Vindplaats:Ostfriesisches Urkundenbuch, II, S. 260, nr. 1197 |
Ritter Hero von Dornum lehnt für sich und seine Partei eine von Bremen vorgeschlagene Tagfahrt, um seinen Streit mit den 48 Verwesern von Dithmarschen zu schlichten, ab.
Den ersamen vorsichtigen unde wolwisen heren borgermesteren unde radmannen der stad Bremen, mynen guden vrunden.
Vruntliken gruth unde wes ick gudes vermach allewege tovoren. Ersamen unde wolwisen guden vrunde. Juwer leiffden schrifften, myt welken ingelechten schrifften copien der achte unde veertigen vorwesers unde landes Dytmerschen an my benalet, hebbe ick gelesen unde ir inholdene woll vorstanden, in welken schrifften berorende zyn die twistzake twischen my, mynen swager junkher Eden unde Iken uppe de eyne, unde der benomeden achte unde veertigen unde lande Ditmerschen uppe de anderen zyden, lopende uppe irkantenisse in gedult unde vrede, van nu angande beth to eyner beteikenen tyd benathet, alse wedersdage offte meydage neygestkomende gestalt, indeme ick myn swager unde Ike begerde tor vruntliken dagestede komen, mochte schriven; foge ick juwen leyffden vruntliken to wetende, wy myt den gedachten achte unde veertigen unde lande Dytmerschen neyn bestaedt, dagestede noch vrede zyn begeren, ock mynen swager unde Iken en sodans daer behoiff is offte bedarf don vorwitliken, behalven juwen ersamheiden alse guede mydelslude, so gij myt ene begerden sodane twist under beyden parten ireisen rechteswis entscheide, will ik my myt deme vlitigesten an mynen swager unde Iken juwen leifften to willen unde begerthe vortasten, besenken (so) unde bearbeiden, denne to geborliken bestande unde tor dagestede juvver vorschrivinge tor gedult gerne komen laten willen. Gode almechtich lange wolmogende bevalen. Gegeven to Esensen, under mynen ingesegel, ame avende Symonis et Jude apostolorum, anno etc. LXXXVIIo.[*]
Hero van Dornym ritther, Esensen, Stedestorppe unde Wytmunde etc. hovetling.
Vruntliken gruth unde wes ick gudes vermach allewege tovoren. Ersamen unde wolwisen guden vrunde. Juwer leiffden schrifften, myt welken ingelechten schrifften copien der achte unde veertigen vorwesers unde landes Dytmerschen an my benalet, hebbe ick gelesen unde ir inholdene woll vorstanden, in welken schrifften berorende zyn die twistzake twischen my, mynen swager junkher Eden unde Iken uppe de eyne, unde der benomeden achte unde veertigen unde lande Ditmerschen uppe de anderen zyden, lopende uppe irkantenisse in gedult unde vrede, van nu angande beth to eyner beteikenen tyd benathet, alse wedersdage offte meydage neygestkomende gestalt, indeme ick myn swager unde Ike begerde tor vruntliken dagestede komen, mochte schriven; foge ick juwen leyffden vruntliken to wetende, wy myt den gedachten achte unde veertigen unde lande Dytmerschen neyn bestaedt, dagestede noch vrede zyn begeren, ock mynen swager unde Iken en sodans daer behoiff is offte bedarf don vorwitliken, behalven juwen ersamheiden alse guede mydelslude, so gij myt ene begerden sodane twist under beyden parten ireisen rechteswis entscheide, will ik my myt deme vlitigesten an mynen swager unde Iken juwen leifften to willen unde begerthe vortasten, besenken (so) unde bearbeiden, denne to geborliken bestande unde tor dagestede juvver vorschrivinge tor gedult gerne komen laten willen. Gode almechtich lange wolmogende bevalen. Gegeven to Esensen, under mynen ingesegel, ame avende Symonis et Jude apostolorum, anno etc. LXXXVIIo.[*]
Hero van Dornym ritther, Esensen, Stedestorppe unde Wytmunde etc. hovetling.
