| Nummer:oub1192 | Datum:28. Aug. 1487 | Overlevering:Editie | Vindplaats:Ostfriesisches Urkundenbuch, II, S. 256, nr. 1192 |
Vor den Pfarrern von Geerdsweer und Langen bekundet Bruder Friedrich aus Kloster Langen eidlich, dass das krumme Veen länger als 36 Jahre dem Kloster Langen gehöre, er habe selbst für das Kloster den Torf daher geholt.
Heer Focken, kerckhere to Gherdesweer, unde heer Foelryck, kerekheer to Langhen, doen wytlick, kundich unde openbayr alle den gheenen, die dessen bryeff syen offte horen leesen, hoe dat voer uns is ghecomen die bescheydene geestelicke ghehoersame broeder Frederijck to Langhermonyken, bekennende ende betugende in der warheit ende by die heylige oerde, die hy heeft untfangen, tot synre zyelen zalicheyt unde up syne leste henenvaert, hoe dat hem witlick unde kundich in, dat dat cromme veen, dat leecht tussen des cloesters veen aen beyden zijden, dat Aylts kynderen ansprecken, van godes recht den cloester to Langhermonyken van der heyliger oerde van Premonstreet toehoert ende gebruyck hebben langher das 36 jaer, 'als my zeer witlicken ende kundich is, ende ick selff den torff daraff gehaelt hebbe'. In orkunde der warheyt, so hebben wy kerckheers vorbenomed witlicken myt goeden wille, ende want desse dynge aldus vor uns gheschiet syn, unse zeghelen gehangen an dessen brieff. Int jaer uns Heren Mo CCCCo LXXXVIIo, up sunte Augustinus dach, unses heyligen vaders.
