| Nummer:oub1145 | Datum:2. Jan. 1485 | Overlevering:Editie | Vindplaats:Ostfriesisches Urkundenbuch, II, S. 219, nr. 1145 |
Der Abt und das Kloster Thedingen quittiren dem Kloster Langen über eine geschehene Schuldzahlung von 400 Rheinischen Gulden.
Wy broder Sibrant, van der vorhenghenisse Godes abt to Thedinghen, ende dat ghemeyne convent desselves cloesters doen witlick, kundich ende openbaer, die dessen brief syen of horen lesen openbaer bekennende in der waerheit, wo dat uns de religiose Johan van Boemel, to Langhen proest, uns van desselves conventes weghen heft guetliken ende wal betaelt vierhondert golden Rynsche gulden in sodane paymente, als de proest Sebastianus pie memorie van des conventes weghen onfanghen hadde, als die principaelbrieff is inholdende, als dat wy broder Sibrant abt vorscreven ende dat ghemeyne convent vorscr. in thokomene thiden willen dessenselven Johannes proest voerscr. noch daeromme manen, ende schelden se vry ende quyt van dessen vierhondert Rynsche golden gulden, ende ghene rente daeraf to boren. In orkunde der waerheit soe hebben hier by, an ende over gheweest voer tugheslude Habbe Egbers, borgher binnen Eemden, ende Reyner tho Weerdermoniken, des cloesters huerman. Ende in meerre orkunde der waerheit heben wy broder Sybrant abt voerscr. uns abtes zegel willichlick ghehangen an dessen openen brief. Anno Domini Mo CCCCo octuagesimo quinto, altera die circumcisionis[*] Domini.
