| Nummer:oub1142 | Datum:12. Sept. 1484 | Overlevering:Editie | Vindplaats:Ostfriesisches Urkundenbuch, II, S. 216, nr. 1142 |
Testament der Tamme Kystemaker, namentlich soweit es Bestimmungen über ihr Haus und Zuwendungen an die Geistlichkeit und die Kirchen betrifft, mit Erwähnung des neuen Altarbildes in der Grossen Kirche.
Frau Tamme Kystemakers, naeghelatene wedewe salighen Herman Kystemakers, anders Herman Vyschers ghenompt, errichtet ihr Testament und trifft folgende Bestimmungen:
Int erste, soe hevet Tamme van oren nalatene guderen sunderlinx van deme deele ores huses, dat se doe tor tyd sulffs bewoende, myd den inguederen unde huesreetscappen dairinne, ervent ghemaket unde ghesettet orer broeder kyndere Ulbet, Rypperde unde Janneken eyn maghedekyn, alzoe dat de twe broeder vorg. sollen hebben to erfftale de helffte unde Janneken de anderen helffte yeghen de beyden broeder van deme deel hueses unde anderen inguderen effte huesretscappen soedanich, dat de synnen unde werden naeghelaten van Tammen, de ghelyke to deylene in twe ghelyke deele. Sunder uth desen guderen sollen se tosamen tovorn affgheven Frederike, oren broeder, 20 Arnsgulden in ghelde unde orer suster Aelheyde to behoeff unde to hulpe orer dochterken Deweren teyn Arnsgulden, wante se Aelheyde unde oren manne soe guet tovoren hedde ghegeven unde betaelt, alze veer styghe Aernsgulden to beraede, unde eer en mochte ock nycht meer gheboren, see Tamme dairsulffs sechte, unde hijrmede sollen de alle tovreden wesen. Item soe sall men boven all de rechtferdighen schulde uthe den guderen betalen. Vortmeer weer ock sake dat Janneke storve voir ore broeders, soe solden de gudere vortan allene erven unde vallen up Ulbete unde Rypperde ende numment anders. Weer oek, dat de vorg. broedere storven voir Janneken, soe solde dat allene erven up Janneken. Woerde oek saeke, dat Janneke storve nae oren broederen unde ghene erven nae en lethe van oren lyve gheboren echte ende rechte, dan sall men eer nalatene guder keren to der eren Gots nae wyllen unde schickynge der testamentarien effte oren nakmnene. Tho den anderen, soe hevet Tamme gheschicket, dattet ander deel huses, int sueden stande, sall syn tor eren Gotz, soe dat men jaerlix ueth ende van deme huse sall gheven unde betalen voir salicheyt Hermans unde orer eyghenen selen achte Arnsgulden, dre gulden deme kerckheren unde vicario tosamen. Item van den vyff guldenen deme prester to unse lewen Frowen altaer eynen halven Arensgulden. Item den anderen presteren, de dair celebreren unde vigilie mede synghen in anniversario viff krumstert. Item deme koester oek 5 krumstert unde eyn halff punt waslychte ton mynnesten to den offer, unde dat voir eyne ewighe memorien to holden myd vigilie unde zeelmyssen jaerlix to holden up eynen dach in der kerspelkercken to Emeden voir Hermans unde Tammen zelen truweliken to bydden. Item uth desen huse sall men ock jaerlix gheven to den gasthuse to behoeff der armen anderhalven Arnsgulden. Item Luedeke van Duethen hefft oek jaerlix ses Arnsgulden renthe ueth desen huse, de men mach uethkoepen myd hundert Arensgulden. Item weer dann dat noch jaerlix wes meer konde komen uth deme huse, dat solde men den armen gheven. Item soe was oek de eddele vrowe Thede, gravynne unde landesfrowe Oestfrieslandes, saligen Herman unde Tammen schuldich ghebleven hundert Arnsgulden ende 12 van vordeenden lone unde vyschetouwe, de hundert gulden gaff Tamme umme Gotz willen voir Hermans unde ore selen, de vifftich in de kerspelkerken to Emeden to der nygen tafelen up dat hoeghe altaer, unde de anderen vifftich to den broederen to Phalleren tor tymmerynge, unde de hundert gulden hevet de vorbenompte vrowe unde gravynne betaelt, yo 10 grote voir den gulden gherekend. Item oer anderen uthschulde unde inschult steyt gheteykent in deme eersten prothocoll effte entwerpyngh des testamentes in eyne papyrene zedulen myd deser hand ghescreven unde getekend.
Zu Testamentsexekutoren ernennt Tamme: heren Johanne Moermanne, vicarium, unde heren Jacob, prebendatum in der kercken Emden, unde voirt oer naekomene to den sulfften beneficien nae en beyden.
Zeugen: Herman goltsmet, Hillewert glasemaker, gebroedere, [*] unde Luedeke van Duethen, borghere bynnen Emeden.
In deme jaere unses leven Heren Jhesu Christi vierteynhundert vier unde tachtentich, ame hilgen soendaghe nae der gheboert der ghebenedyeden moeder unde maghet Marien, moeder unsen leven Heren Christi Jhesu.[*]
Int erste, soe hevet Tamme van oren nalatene guderen sunderlinx van deme deele ores huses, dat se doe tor tyd sulffs bewoende, myd den inguederen unde huesreetscappen dairinne, ervent ghemaket unde ghesettet orer broeder kyndere Ulbet, Rypperde unde Janneken eyn maghedekyn, alzoe dat de twe broeder vorg. sollen hebben to erfftale de helffte unde Janneken de anderen helffte yeghen de beyden broeder van deme deel hueses unde anderen inguderen effte huesretscappen soedanich, dat de synnen unde werden naeghelaten van Tammen, de ghelyke to deylene in twe ghelyke deele. Sunder uth desen guderen sollen se tosamen tovorn affgheven Frederike, oren broeder, 20 Arnsgulden in ghelde unde orer suster Aelheyde to behoeff unde to hulpe orer dochterken Deweren teyn Arnsgulden, wante se Aelheyde unde oren manne soe guet tovoren hedde ghegeven unde betaelt, alze veer styghe Aernsgulden to beraede, unde eer en mochte ock nycht meer gheboren, see Tamme dairsulffs sechte, unde hijrmede sollen de alle tovreden wesen. Item soe sall men boven all de rechtferdighen schulde uthe den guderen betalen. Vortmeer weer ock sake dat Janneke storve voir ore broeders, soe solden de gudere vortan allene erven unde vallen up Ulbete unde Rypperde ende numment anders. Weer oek, dat de vorg. broedere storven voir Janneken, soe solde dat allene erven up Janneken. Woerde oek saeke, dat Janneke storve nae oren broederen unde ghene erven nae en lethe van oren lyve gheboren echte ende rechte, dan sall men eer nalatene guder keren to der eren Gots nae wyllen unde schickynge der testamentarien effte oren nakmnene. Tho den anderen, soe hevet Tamme gheschicket, dattet ander deel huses, int sueden stande, sall syn tor eren Gotz, soe dat men jaerlix ueth ende van deme huse sall gheven unde betalen voir salicheyt Hermans unde orer eyghenen selen achte Arnsgulden, dre gulden deme kerckheren unde vicario tosamen. Item van den vyff guldenen deme prester to unse lewen Frowen altaer eynen halven Arensgulden. Item den anderen presteren, de dair celebreren unde vigilie mede synghen in anniversario viff krumstert. Item deme koester oek 5 krumstert unde eyn halff punt waslychte ton mynnesten to den offer, unde dat voir eyne ewighe memorien to holden myd vigilie unde zeelmyssen jaerlix to holden up eynen dach in der kerspelkercken to Emeden voir Hermans unde Tammen zelen truweliken to bydden. Item uth desen huse sall men ock jaerlix gheven to den gasthuse to behoeff der armen anderhalven Arnsgulden. Item Luedeke van Duethen hefft oek jaerlix ses Arnsgulden renthe ueth desen huse, de men mach uethkoepen myd hundert Arensgulden. Item weer dann dat noch jaerlix wes meer konde komen uth deme huse, dat solde men den armen gheven. Item soe was oek de eddele vrowe Thede, gravynne unde landesfrowe Oestfrieslandes, saligen Herman unde Tammen schuldich ghebleven hundert Arnsgulden ende 12 van vordeenden lone unde vyschetouwe, de hundert gulden gaff Tamme umme Gotz willen voir Hermans unde ore selen, de vifftich in de kerspelkerken to Emeden to der nygen tafelen up dat hoeghe altaer, unde de anderen vifftich to den broederen to Phalleren tor tymmerynge, unde de hundert gulden hevet de vorbenompte vrowe unde gravynne betaelt, yo 10 grote voir den gulden gherekend. Item oer anderen uthschulde unde inschult steyt gheteykent in deme eersten prothocoll effte entwerpyngh des testamentes in eyne papyrene zedulen myd deser hand ghescreven unde getekend.
Zu Testamentsexekutoren ernennt Tamme: heren Johanne Moermanne, vicarium, unde heren Jacob, prebendatum in der kercken Emden, unde voirt oer naekomene to den sulfften beneficien nae en beyden.
Zeugen: Herman goltsmet, Hillewert glasemaker, gebroedere, [*] unde Luedeke van Duethen, borghere bynnen Emeden.
In deme jaere unses leven Heren Jhesu Christi vierteynhundert vier unde tachtentich, ame hilgen soendaghe nae der gheboert der ghebenedyeden moeder unde maghet Marien, moeder unsen leven Heren Christi Jhesu.[*]
