| Nummer:oub1115 | Datum:Friedeburg, 23. Juni 1483 | Overlevering:Editie | Vindplaats:Ostfriesisches Urkundenbuch, II, S. 193, nr. 1115 |
Gräfin Theda theilt den Emder Bürgermeistern mit, dass sie auf Wunsch des Bischofs von Münster dem Bürgermeister von Wildeshausen Cord Meyerane erlaubt habe, 250 Malter Roggen durch Ostfriesland zu führen. Er soll jedoch zu Emden am Hafenbaume anlegen und dort die Hälfte des Getreides verkaufen.
Dem eersamen wysen unde vorsichtighen borghemeistern der stadt Embden, unsen lesen getreuwen.
Theda, gravinne in Oestfrieslandt.
Vorsichtigen lesen getrewen. Der bischop van Munster heft an uns schriftlichen dohn bidden vor dussen jegenwordigen Coerde Meyerane, borghemester tho Wildeshusen, wij ohne willen oerloven aver unse wather und lande tho foerende 2 1/2 hundert molth rogghen; oeck so heft die ander borghemeister van Wildeshusen uns dergelijken oeck dohn bidden, wij Coerde vorschr. sulcker uthschepunghe wolden vorgunnen. Loren getrewen, so sinnen wij mit Coerde vorschr. overgekomen, he mit den roggen sal schepen wenth to Embden binnens boems, dar sal he de helfte van de roggen slijten und vorkopen, als hundert und 25 molth; de ander helfte sall he uthvoeren westwerth, war em dath beleveth, glijck unse egen undersathen. Is unse (wille), ghij darup vornehm sinnen, he nicht mehr geladen hebbe, dann nach den talle vorschreven. Tollen und anders, wes daeraff boerth, moege gij nhemen. Datum Vreboreh, under unsem segel, des midwekens na Johannis midsommer, anno LXXXIIIo.
Theda, gravinne in Oestfrieslandt.
Vorsichtigen lesen getrewen. Der bischop van Munster heft an uns schriftlichen dohn bidden vor dussen jegenwordigen Coerde Meyerane, borghemester tho Wildeshusen, wij ohne willen oerloven aver unse wather und lande tho foerende 2 1/2 hundert molth rogghen; oeck so heft die ander borghemeister van Wildeshusen uns dergelijken oeck dohn bidden, wij Coerde vorschr. sulcker uthschepunghe wolden vorgunnen. Loren getrewen, so sinnen wij mit Coerde vorschr. overgekomen, he mit den roggen sal schepen wenth to Embden binnens boems, dar sal he de helfte van de roggen slijten und vorkopen, als hundert und 25 molth; de ander helfte sall he uthvoeren westwerth, war em dath beleveth, glijck unse egen undersathen. Is unse (wille), ghij darup vornehm sinnen, he nicht mehr geladen hebbe, dann nach den talle vorschreven. Tollen und anders, wes daeraff boerth, moege gij nhemen. Datum Vreboreh, under unsem segel, des midwekens na Johannis midsommer, anno LXXXIIIo.
