| Nummer:oub1068 | Datum:Emden, 22. Juni 1481 | Overlevering:Editie | Vindplaats:Ostfriesisches Urkundenbuch, II, S. 157, nr. 1068 |
Gräfin Theda antwortet den Rathssendeboten der Hansestädte auf das Schreiben hinsichtlich der Sibetsburg (Nr. oub1060), dass sie Edo Wiemken dieserhalb zu einer Besprechung geladen habe, er aber nicht erschienen sei.
Den radessendeboden der stede Lubeke, Bremen unde Hamborch, latestvorleden wesende tho dage bynnen Buxtehude.
Thede gravynne in Oestvreesland.
Ersame besunderen guden frunde. So gy uns hebben gescreven, dat gy warhafftich hebben vorstan, dat een genant junge Dure to Sybetsborch etlike bouwe unde vestinge weder begynne tho maken, darvan nicht allene de juwe, sunder mennich gud kopman beschediget mochte werden, unde ock unsen undersathen nicht wenyghen sunder tot mercklikem schaden mochte komen, unde wante sodane bouwinghe unde vestinghe, alse gy hebben gescreven, villichte an des duchtigen Eden Wymmeken tholate unde vulborde nicht beschuet, so gy menen, unde so gy hebben begerth wy den erberen Eden mit den besten mochten underwysen, yo eer yo lever sodane bouwinghe tho enthaldende, nicht tho vorhengende noch tho gestadende, hijruppe, ersamen guden frunde, foghen wy juwer vorsenicheit weten, dat wy den vorben. Eden hebben to geleghener stede to komen vorscreven, dar wy unse raede unde gudemans up hebben gesant umme sodane bouwinghe unde vestinge mit merren vorgescr. den juwen unde den unsen mochte tho wederwillen komen mochte affgestalt werden, wante wy van herten gerne seghen, kenne God, alsulkes vorscr. neynen vortganck en hedde; is he sulfftes tor dachstede nicht gekomen, so en hebben wy noch neyne antword als van den vorgerorden erfaren. Jodoch myt den ersten so wy ene antword van eme hebben wederfaren, willen wy juwer ersamheit weder laten weten unde willet des vor nenen unwillen nemen, dat wy den boden so lange hebben getonet, wente dat umme der autword ys gheschen, des wy van deme vorben. Eden nicht so myt den ersten konden wederfaren. Mochten wy unde unse sone den juwen ichtes tho willen don, schal men uns unde de unse alletyt gudwillich ynne vinden, kennet God almechtich, de juwe ersamheit to langen tyden by heylsamer unde geluckiger wolfart mote gesunt bewaren. Gegeven to Emeden, des vridages na Sacramenti, anno etc. LXXXIo, under unsem secrete.
Thede gravynne in Oestvreesland.
Ersame besunderen guden frunde. So gy uns hebben gescreven, dat gy warhafftich hebben vorstan, dat een genant junge Dure to Sybetsborch etlike bouwe unde vestinge weder begynne tho maken, darvan nicht allene de juwe, sunder mennich gud kopman beschediget mochte werden, unde ock unsen undersathen nicht wenyghen sunder tot mercklikem schaden mochte komen, unde wante sodane bouwinghe unde vestinghe, alse gy hebben gescreven, villichte an des duchtigen Eden Wymmeken tholate unde vulborde nicht beschuet, so gy menen, unde so gy hebben begerth wy den erberen Eden mit den besten mochten underwysen, yo eer yo lever sodane bouwinghe tho enthaldende, nicht tho vorhengende noch tho gestadende, hijruppe, ersamen guden frunde, foghen wy juwer vorsenicheit weten, dat wy den vorben. Eden hebben to geleghener stede to komen vorscreven, dar wy unse raede unde gudemans up hebben gesant umme sodane bouwinghe unde vestinge mit merren vorgescr. den juwen unde den unsen mochte tho wederwillen komen mochte affgestalt werden, wante wy van herten gerne seghen, kenne God, alsulkes vorscr. neynen vortganck en hedde; is he sulfftes tor dachstede nicht gekomen, so en hebben wy noch neyne antword als van den vorgerorden erfaren. Jodoch myt den ersten so wy ene antword van eme hebben wederfaren, willen wy juwer ersamheit weder laten weten unde willet des vor nenen unwillen nemen, dat wy den boden so lange hebben getonet, wente dat umme der autword ys gheschen, des wy van deme vorben. Eden nicht so myt den ersten konden wederfaren. Mochten wy unde unse sone den juwen ichtes tho willen don, schal men uns unde de unse alletyt gudwillich ynne vinden, kennet God almechtich, de juwe ersamheit to langen tyden by heylsamer unde geluckiger wolfart mote gesunt bewaren. Gegeven to Emeden, des vridages na Sacramenti, anno etc. LXXXIo, under unsem secrete.
