| Nummer:oub1044 | Datum:13. Dez. 1480 | Overlevering:Editie | Vindplaats:Ostfriesisches Urkundenbuch, II, S. 130, nr. 1044 |
Häuptling Hero von Dornum zu Esens schreibt an den Rath zu Hamburg über die an ihn gestellte Forderung, seinen Schwager Edo zur Zurückgabe der weggenommenen Lübecker und anderer Hansischen Tuche zu bewegen.
Deme rade to Hamborg.
Post salutationem. Ersamen vorsichtigen leven frunde. So gij scriven unde begeren van itliken laken, tobehorende een del borgeren to Lubeke unde in andere stede van der Hense up demsulven schepe wesende, darvan myn leve swager juw to willen de 13 last unde 7 tunnen heringes, juwen borgeren tobehorende, weddergeven wel, dat ik nau bij myneme swagere Eden vurder frundliken vort woolde stellen, dat sodane laken ok mochten weddergegeven werden, worup, ersamen leven frunde, ik juw do weten, alse ik eer an juw gescreven hebbe, dat ik umme des gemenen besten willen mit myneme swager overgesproken hedde, dat he sine anclage uppe de Hollanders by gudemans, de sik rechtes unde unrechtes irkennen, wolde netten unde vorbliven, darup juwe breff wedder an mij gesand inholt, gij sodanes an de Hollanders willen vorscriven, unde wes juw darup van en to antworde bejegene, wolden gij mij wedder benalen, so willet juw dar gudwillich ane bewisen, unde dat mit scriften umme des gemenen besten willen, mit vlite vorforderen, wente so ik mij to juwer vorsichticheid vormode, gij dat gemene beste ok gerne vort willen setten, wente wes ik darane bearbeide, do ik umme des menen besten willen, kent God, unde wes juw denne van en to antwerde wedder wert, willet mij vort benalen, so wil my bij myneme swagere vorvogen, unde mit deme besten darane bewisen, alse ik mij gansliken anders nicht vormode, he sik wol geborliken schal hebben an den laken wedder to gevende; Gode bevalen, Screven under mynem secrete, up den dagh Lucie virginis, anno etc. LXXXo.
Hero van Dornum, to Esense, Stedestorpe unde Witmunde hovetling.
Post salutationem. Ersamen vorsichtigen leven frunde. So gij scriven unde begeren van itliken laken, tobehorende een del borgeren to Lubeke unde in andere stede van der Hense up demsulven schepe wesende, darvan myn leve swager juw to willen de 13 last unde 7 tunnen heringes, juwen borgeren tobehorende, weddergeven wel, dat ik nau bij myneme swagere Eden vurder frundliken vort woolde stellen, dat sodane laken ok mochten weddergegeven werden, worup, ersamen leven frunde, ik juw do weten, alse ik eer an juw gescreven hebbe, dat ik umme des gemenen besten willen mit myneme swager overgesproken hedde, dat he sine anclage uppe de Hollanders by gudemans, de sik rechtes unde unrechtes irkennen, wolde netten unde vorbliven, darup juwe breff wedder an mij gesand inholt, gij sodanes an de Hollanders willen vorscriven, unde wes juw darup van en to antworde bejegene, wolden gij mij wedder benalen, so willet juw dar gudwillich ane bewisen, unde dat mit scriften umme des gemenen besten willen, mit vlite vorforderen, wente so ik mij to juwer vorsichticheid vormode, gij dat gemene beste ok gerne vort willen setten, wente wes ik darane bearbeide, do ik umme des menen besten willen, kent God, unde wes juw denne van en to antwerde wedder wert, willet mij vort benalen, so wil my bij myneme swagere vorvogen, unde mit deme besten darane bewisen, alse ik mij gansliken anders nicht vormode, he sik wol geborliken schal hebben an den laken wedder to gevende; Gode bevalen, Screven under mynem secrete, up den dagh Lucie virginis, anno etc. LXXXo.
Hero van Dornum, to Esense, Stedestorpe unde Witmunde hovetling.
