| Nummer:oub1040 | Datum:Kopenhagen, 4. Dez. 1480 | Overlevering:Editie | Vindplaats:Ostfriesisches Urkundenbuch, II, S. 125, nr. 1040 |
König Christian I. von Dänemark schickt an Lübeck eine Abschrift seines Intercessionsschreibens (Nr. oub1041) an Edo Wiemken in Betreff der weggenommenen neutralen Güter.
Denne ersamen borgermesteren unde radmannen der stad Lubeke, unsen leven besunderen. Recepta. XXII. die mensis Decembris, anno etc. LXXXo.
Cristiern van Gots gnaden to Denmarcken, Sweden, Norwegen etc. koning, hertog to Slesswick, ock hertog to Holsten, Stormeren unde der Dithmerschen etc.
Unse gunste tovoren. Ersamen leven besunderen. Als denne der soss Wendesehen stede radessendeboden mitt juw bynnen juwer stad to dage vorgaddert, unde gii van wegen etliker guder, de de duchtige Ede Wymcken, to. Jever hovetlingk in Oestvressland, der Wendeschen stede unde juwen borgeren unde kopluden unvorschuldes dinges schal hebben genomen, an uns geschreven etc., hebben wy sodaner juwen unde eren breff na synem inholde vorstanden unde eyn sodanet fortan an den genanten Eden, welken breff wij .juw mede senden, vorschreven, als gy uth desser ingelechten copien wol werden vornemen; unde weret sake, gii unser in desser sake forder warane wurden behuffen, willen wy[*] uns darinne also bewisen, unde in allermate gutlich jegen juw erkennen laten, als gij unns des betruwen unde ock vaken umme unns mannigerleye wisse hebben vordenet, wente wat wy juw der stede unde juwen borgeren unde deme gemenen kopmanne tom besten gudes don mogen unde vorforderen, don wy mit togenedem flite alletyt gutwillig gherne. Datum an unseme slote Copenhaven, ame mandage na Andree apostoli, anno etc. LXXXo, under unsem signete.
Cristiern van Gots gnaden to Denmarcken, Sweden, Norwegen etc. koning, hertog to Slesswick, ock hertog to Holsten, Stormeren unde der Dithmerschen etc.
Unse gunste tovoren. Ersamen leven besunderen. Als denne der soss Wendesehen stede radessendeboden mitt juw bynnen juwer stad to dage vorgaddert, unde gii van wegen etliker guder, de de duchtige Ede Wymcken, to. Jever hovetlingk in Oestvressland, der Wendeschen stede unde juwen borgeren unde kopluden unvorschuldes dinges schal hebben genomen, an uns geschreven etc., hebben wy sodaner juwen unde eren breff na synem inholde vorstanden unde eyn sodanet fortan an den genanten Eden, welken breff wij .juw mede senden, vorschreven, als gy uth desser ingelechten copien wol werden vornemen; unde weret sake, gii unser in desser sake forder warane wurden behuffen, willen wy[*] uns darinne also bewisen, unde in allermate gutlich jegen juw erkennen laten, als gij unns des betruwen unde ock vaken umme unns mannigerleye wisse hebben vordenet, wente wat wy juw der stede unde juwen borgeren unde deme gemenen kopmanne tom besten gudes don mogen unde vorforderen, don wy mit togenedem flite alletyt gutwillig gherne. Datum an unseme slote Copenhaven, ame mandage na Andree apostoli, anno etc. LXXXo, under unsem signete.
