| Nummer:oub0985 | Datum:10. Nov. 1476 | Overlevering:Editie | Vindplaats:Ostfriesisches Urkundenbuch, II, S. 84, nr. 985 |
Mehrere Befehlshaber der Söldner des verstorbenen Sick zur Friedeburg quittiren dem Hero Omken von Dornum über 3000 Postulatsgulden, die sie zur Bezahlung des Soldes erhalten haben, und versprechen das Inventar der Friedeburg unberührt zu lassen.
Wy Folqwyn van Aschwede qwartermester, Clawes van Beten unde Abell van Tunghelen medebevelsmans van wegen des erbern Cirickes, unses hovetlinges tor Vredeborch, den Got gnade, bekennen unde betugen in crafft dusses breves, dat wy van den edeln und ersamen Hero Omken van Dornhum, tho Esenze, Stedestorpe und Withmunde hovetlinge, dorch syne geschickten den eraftigen und ersamen hern Lubben, kerchern to Withmunde, unde Eiben, tho Butforde hovetlinge, dredusent olde Postelatusgulden entfangen, darmede wy uth selligen Cirickes bevele syne knechte tovreden gestelt unde ander syne schult betalt, nottarftigen entfangen hebben, unde willen en so vro he syne vorstenders eder vulmechtigen hyr schicket, uthdon heten und lesten willen selligen Cirickes de Vredeborch averlaten, indoen und alle dat geschut, ratschuppe, bedde und alle provanden, so daruppe is, darby blyven laten. Orkunde mynes Folqwyns van Aschwegen ingesegells, dat wy samentlichen hirto bruken, hie beneden an dessen breff witliken heten hangen. In den jaren Christi dusent verhundert, darna in den ses unde seventighsten yar, ame avende beati Martini dage.
