| Nummer:oub0951 | Datum:Leerort, 3. Juli 1475 | Overlevering:Editie | Vindplaats:Ostfriesisches Urkundenbuch, II, S. 52, nr. 951 |
Griffin Theda bittet die Witwe des Alko von Inhausen, Hymba, ihrem Neffen Hayo all das Geschmeide wieder zu erstatten, auf welches er ein Anrecht habe, da es seiner Schwester Awa, der ersten Gemahlin Alko's, als Mitgift in die kinderlos gebliebene Ehe mitgegeben sei. Die Gräfin legt ein Verzeichniss der Kostbarkeiten bei.
Der erbern und voirsichtigen vrowen Hymben, nalaten wedewen seligen Aelken tho Inehusen, unser guden frundinnen vruntliken geschreven.
Thede grevynne in Oestfriesland. Erbar leve frundinne. Hayo, Hayke Uncken sone tho Hleer, unse neve, hevet uns tho kennen geven, wo datt he van seligen Aelken yuwen seligen huesheren und sinen swager, so als he sine suster Awen voir yu tho einer huesfrouwen hadde noch tho achtern sy und misse alle dat golden und sulver smyde myd den kledern, de syn vader Hayke und Adde de moder ehrer dochter und siner suster hadden mede gegeven und maken laten na inholt einer zedulen, dar idt altosamen in getekent is, yu getonet wert bi dussen unsen breve, van welcken golden und sulver smyde und kledern uns altosamen woll witlik is, wante wi id sulven meist up de klederen geneyet hebben. Warumme begehre und bidden wi und Haye unser neve vorscr. deger vruntliken, gi und de jenne, de des mede tho doen hebben van Aelken kindere wegen, gi Hayen und syner huesfrowen sodane golden und sulver smyde samtliken und all willen wedderumme geven und thokeren in aller mate, so datt entvangen is, sunder Aelken kindern effte ervent sall Hayken sone Haye vorschr. wedderumme geven und betalen achte stige Arnsgulden, de Alke in den smyde betalet hevet in eine vorbeteringe des smydes. Wi hoepen ock, dat id recht sy na alle unses landes rechten, dit smyde und kledere samptliken wedder tho keren und wedder tho geven, na deme Aelke und Awe gehne kinder thosamen en hebben naeghelaten. Hyr yuw inne tho bewisen und bi tho done so gi wulden wi in der gelycken bi yuw offte yuwen frunden doen sulden, und wes des mach gedyen begehren wi yuwe fruntlycke beschreven andtworde. Goede bevoelen. Gegeven up Hleeroert under unse ingesegel, des maendages nae visitationis Marie, anno etc. LXXo quinto. Ock en hefft Haye seligen Aelken hyr nicht sehr umme gemanet, datt he vaste hevet hen gaen laten, und ock in kummer und vordrete is gewesen van brandes wegen, datt dan vaste hen tho deser tydt is vorbleven. Datum ut supra.
Item [*] dit nagescreven smidewerck und gold wert saligen Awen mede gegeven, do se Alken nam. Int erste 1 gulden span mit einen kleinen sulveren keden und binnen mit kaper belecht. Item 2 guldene ringen, de ene de oer myn vrowen genade gaff, was van 3 ringen, und de ander 2 ringen, dar de rode stehen in sat. Item 1 leideschen rock mit 4 schartzoenen, de 2 achtersten weren groten rosen, dar twe swanen inne, de eine hadde den andern umme den hals vlochten, und so vele kleineren, als dartho hoerden. Item de vornsten rosen hadden angesichten mit der borst, und ach so vele kleneren. Item 2 lappen [*] uppe schuldern, unde weren wynrancken, dar stunde S. Martens bilde uppe, und so vele orden als dartho behoren. Item 1 tacket goltwilster, und 16 grenade bockstave. Item 2 tacket goltwilster umme de hande. Item 2 grote knopen up den schuldern. Item 8 paer beestkens tho den mouwen, der gemaeckelse aren und lewen. Item noch ein leidesche rock mit einen kleinen goltwilster und mit bockstaven umme de handen und 10 paer beestekens und 2 rosen, und 2 brondene knopen uppen schuldern mit 2 rosen. Item 1 roden kanynden nyen pels, und 1 hornschen rock, und 1 nyen gronen leideschen kagel. Item 1 sulveren stuckelbant van 8 toppen, und 1 huven mit bockstaven und mit doppekens [*]. Item noch 1 huve mit sulveren doppekens und mit dubbelde rosen mit stenekens und ordekens tvischen. Item 1 paer guldene schoringen. Item 1 paer hoesringen. Item 1 sulveren brazeken bi der siden.
Thede grevynne in Oestfriesland. Erbar leve frundinne. Hayo, Hayke Uncken sone tho Hleer, unse neve, hevet uns tho kennen geven, wo datt he van seligen Aelken yuwen seligen huesheren und sinen swager, so als he sine suster Awen voir yu tho einer huesfrouwen hadde noch tho achtern sy und misse alle dat golden und sulver smyde myd den kledern, de syn vader Hayke und Adde de moder ehrer dochter und siner suster hadden mede gegeven und maken laten na inholt einer zedulen, dar idt altosamen in getekent is, yu getonet wert bi dussen unsen breve, van welcken golden und sulver smyde und kledern uns altosamen woll witlik is, wante wi id sulven meist up de klederen geneyet hebben. Warumme begehre und bidden wi und Haye unser neve vorscr. deger vruntliken, gi und de jenne, de des mede tho doen hebben van Aelken kindere wegen, gi Hayen und syner huesfrowen sodane golden und sulver smyde samtliken und all willen wedderumme geven und thokeren in aller mate, so datt entvangen is, sunder Aelken kindern effte ervent sall Hayken sone Haye vorschr. wedderumme geven und betalen achte stige Arnsgulden, de Alke in den smyde betalet hevet in eine vorbeteringe des smydes. Wi hoepen ock, dat id recht sy na alle unses landes rechten, dit smyde und kledere samptliken wedder tho keren und wedder tho geven, na deme Aelke und Awe gehne kinder thosamen en hebben naeghelaten. Hyr yuw inne tho bewisen und bi tho done so gi wulden wi in der gelycken bi yuw offte yuwen frunden doen sulden, und wes des mach gedyen begehren wi yuwe fruntlycke beschreven andtworde. Goede bevoelen. Gegeven up Hleeroert under unse ingesegel, des maendages nae visitationis Marie, anno etc. LXXo quinto. Ock en hefft Haye seligen Aelken hyr nicht sehr umme gemanet, datt he vaste hevet hen gaen laten, und ock in kummer und vordrete is gewesen van brandes wegen, datt dan vaste hen tho deser tydt is vorbleven. Datum ut supra.
Item [*] dit nagescreven smidewerck und gold wert saligen Awen mede gegeven, do se Alken nam. Int erste 1 gulden span mit einen kleinen sulveren keden und binnen mit kaper belecht. Item 2 guldene ringen, de ene de oer myn vrowen genade gaff, was van 3 ringen, und de ander 2 ringen, dar de rode stehen in sat. Item 1 leideschen rock mit 4 schartzoenen, de 2 achtersten weren groten rosen, dar twe swanen inne, de eine hadde den andern umme den hals vlochten, und so vele kleineren, als dartho hoerden. Item de vornsten rosen hadden angesichten mit der borst, und ach so vele kleneren. Item 2 lappen [*] uppe schuldern, unde weren wynrancken, dar stunde S. Martens bilde uppe, und so vele orden als dartho behoren. Item 1 tacket goltwilster, und 16 grenade bockstave. Item 2 tacket goltwilster umme de hande. Item 2 grote knopen up den schuldern. Item 8 paer beestkens tho den mouwen, der gemaeckelse aren und lewen. Item noch ein leidesche rock mit einen kleinen goltwilster und mit bockstaven umme de handen und 10 paer beestekens und 2 rosen, und 2 brondene knopen uppen schuldern mit 2 rosen. Item 1 roden kanynden nyen pels, und 1 hornschen rock, und 1 nyen gronen leideschen kagel. Item 1 sulveren stuckelbant van 8 toppen, und 1 huven mit bockstaven und mit doppekens [*]. Item noch 1 huve mit sulveren doppekens und mit dubbelde rosen mit stenekens und ordekens tvischen. Item 1 paer guldene schoringen. Item 1 paer hoesringen. Item 1 sulveren brazeken bi der siden.
