| Nummer:oub0891 | Datum:Aurich, 11. Aug. 1470 | Overlevering:Editie | Vindplaats:Ostfriesisches Urkundenbuch, I, S. 769, nr. 891 |
Gräfin Theda und Sibo von Dornum schreiben an den Rath zu Bremen in Betreff eines in Butjadingerland genommenen und nach Greetsiel geführten Schiffes.
Den ersamen voirsichtighen unde wysen borghermestern unde raytmannen der staed Bremen, unsen besundern gueden frunden.
Thede grevynne in Oestvriesland.
Ersamen gueden frundes. Soe juwe leffte an uns hevet ghescreven, dat wy in unsen ghebeden itlike schepe, juwen borghere tohorende, hebben laten bekummern umme eynes schepes willen, dat de van Buthe Jade den unsen hadden ghenomen unde dat voirt vorkofrt Brunynghe unde Dummen, de dat foreden beth tor Grith etc., wairsup juw gheleve to weten, dat van de ghenomen schepe vele scryvens beyde van unsen leven salighen heren unde oek van uns, is ghescheen unde anders vele arbeydes, dat dat schip den unsen mochte ghegulden hebben woerden, doe se by eer schip nicht en konden komen, des allend nicht en hevet moghen dyen beth hiirto, unde soe synd juwer borgher eyn deel all eer hiir bevoren umme ghehindert, dair Hoppen Kanne unde Johan van Eesten dor to sechten unde loveden, dat se de unse wedder in eer schip wolden brenghen, unde dair se doe der hindernisse entledighet woerden to der tiid vorder, als dan ick Sybo benedenscreven over twen jaeren, dair Alke mede was, enen vruntliken dach helden to Hollummerzyle[*] jeghen de ersamen Eelre Breden unde Eelre Lubberdes, juwes rades sendeboeden unde medekumpaenes, dair doe under unde mangk anderen deghedinget woerde klaghe unde antworden van den vorben. schepe; dair de vorg. juwes raedes sendeboeden ... zeden, dat ze juweme koepmanne, de myd uns vorkeren, dat wolden bevelen unde vormechtigen, wanner dat se ... .myd uns ind land, soe solden erer vier antworden unde vorstaen desse sake van den schepe, unde de ghennen, de dat schip horede, solden anklagen, unde wes danne vier beyde van den kopmanne unde van den unsen dair tosamene to ... mochten kennen ime rechte, wair men t schyp solde betalen edder nicht, dair soldet by henneghaen, welkend altosamene by den juwen vorbleff; wairumme wilt dat noch alzo vorfoghen, dat deme so ghesche, alzt ghedeghedinghet waret, soe moghen juwe borghere der behindernisse vorlosset werden, unde wii anders nicht en soeken, dan gherechticheit unde guede vruntschap myd juwer leve, kend God, de juw gesund vriste to langer tiid. Ghegeven under unser beyder secrete, ame saterstage nae Laurentii, anno etc. LXX, ex castro Awricke.
Sybo van Dornum ritter, to Esense unde Witmunde hovetlingk.
Thede grevynne in Oestvriesland.
Ersamen gueden frundes. Soe juwe leffte an uns hevet ghescreven, dat wy in unsen ghebeden itlike schepe, juwen borghere tohorende, hebben laten bekummern umme eynes schepes willen, dat de van Buthe Jade den unsen hadden ghenomen unde dat voirt vorkofrt Brunynghe unde Dummen, de dat foreden beth tor Grith etc., wairsup juw gheleve to weten, dat van de ghenomen schepe vele scryvens beyde van unsen leven salighen heren unde oek van uns, is ghescheen unde anders vele arbeydes, dat dat schip den unsen mochte ghegulden hebben woerden, doe se by eer schip nicht en konden komen, des allend nicht en hevet moghen dyen beth hiirto, unde soe synd juwer borgher eyn deel all eer hiir bevoren umme ghehindert, dair Hoppen Kanne unde Johan van Eesten dor to sechten unde loveden, dat se de unse wedder in eer schip wolden brenghen, unde dair se doe der hindernisse entledighet woerden to der tiid vorder, als dan ick Sybo benedenscreven over twen jaeren, dair Alke mede was, enen vruntliken dach helden to Hollummerzyle[*] jeghen de ersamen Eelre Breden unde Eelre Lubberdes, juwes rades sendeboeden unde medekumpaenes, dair doe under unde mangk anderen deghedinget woerde klaghe unde antworden van den vorben. schepe; dair de vorg. juwes raedes sendeboeden ... zeden, dat ze juweme koepmanne, de myd uns vorkeren, dat wolden bevelen unde vormechtigen, wanner dat se ... .myd uns ind land, soe solden erer vier antworden unde vorstaen desse sake van den schepe, unde de ghennen, de dat schip horede, solden anklagen, unde wes danne vier beyde van den kopmanne unde van den unsen dair tosamene to ... mochten kennen ime rechte, wair men t schyp solde betalen edder nicht, dair soldet by henneghaen, welkend altosamene by den juwen vorbleff; wairumme wilt dat noch alzo vorfoghen, dat deme so ghesche, alzt ghedeghedinghet waret, soe moghen juwe borghere der behindernisse vorlosset werden, unde wii anders nicht en soeken, dan gherechticheit unde guede vruntschap myd juwer leve, kend God, de juw gesund vriste to langer tiid. Ghegeven under unser beyder secrete, ame saterstage nae Laurentii, anno etc. LXX, ex castro Awricke.
Sybo van Dornum ritter, to Esense unde Witmunde hovetlingk.
