Haytet Allerdsna zu Westerhusen verkauft dem Häuptling und Propst Aild Beninga einen Warf und eine Hausstätte.

Ick Haytet Allerdsna to Westerhusen sta des bekant vor alsweme, wo yck vorkofft hebbe unde vorkoepe yeghenwordych deme erbaren vorsychteghen manne Aylt Benyngha, hovetling unde provest to Grimesum, myt vryen wyllen, myt den mynen, den werff unde huesstede myt synen tobehoor, der Teyte Hoppna hues up steyt, umme ene summe gheldes, welker my degher vul unde al betalet (is) na mynen wyllen, den eersten pennyngh myt den laesten. Hiir an unde over hebben ghewezen her Haytet, vicarius to Grimesum, Abeko daerzulves, Froneko to Westerhusen unde Meno unde Tyo, speelman to Fyskert. Screven in deme jare onsen Heren do men screeff M^oCCCC^oLXVIII^o, up des hylghen Crystes avent.[*]

x

x

Fonds	Ostfriesisches Urkundenbuch, I
Fol.nr.	S. 754
Nr	869
Olim	Gleichzeitige Abschrift im Grimersumer Archiv Nr. 45 bei der Gesellschaft für bildende Kunst etc. zu Emden.
Jaar	1468
Datumcode	vNatChr

x

x

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 869