| Nummer:oub0850 | Datum:24. Juni 1467 | Overlevering:Editie | Vindplaats:Ostfriesisches Urkundenbuch, I, S. 739, nr. 850 |
Klagepunkte der Gräfin Theda gegen die Häuptlinge Ewo und Unko.
Didt sindt de anspracke und klage, de wy Theda grevinne in Oestfreslandt hebben op Ewen und Uncken hovetling van wegen erer hussfrouwen, [*]
Tho dem ersten de vorstoringe des sloetes Lheer mit schaden und unkosten darup gelopen. Tom anderen up Weidewert, [*] dat unse salige grotevader Focko mit sin gudt hevet betalet und timmeren laten, dat uns genslich affhandich gemacket is.
Tom derden van golde und sulveren smide, so voele als in twe grote schrene mochten, ock van reden gemunteden gelde in golde und sulver, dat salige Idecke vorwaerhen dede, unde vorloes in de Emese.
Tom veerden van dem huse to Dyckhusen, dat unse grotevader timmeren ledt, und wedder vorstoeret wordt van de stadt Groningen.
Tom vifften van de hove to Brae, de unse grotevader gekofft hadde und de Idecke gedaen hadde Engebert van Langen, und darmede inlosede ehre golden und sulveren smide und vaete, dar wy grote schade an geleden hebben.
Tom sesten unse vole golden und sulveren smyde und reden gemunteden goldes, dat unse salige grotevader hadde nagelaten, dat Uncke und Ewe vorg. deleden, unde uns genslick affhendich wardt.
Tom sevenden maele de mercklichen groten unkost, veide, arbeit und mogenisse, de unse leve salige here greve Ulrick hevet gehadt und geleden jegen de van Hamburg, dat he wedder vorkrech de herlichheit und guede, de van Lier vorkomen weren van salige Focken unsen leven grotevaders in de Hamborger hande unde macht.
Hierinnen beholden unsers rechten, disse klage tho vormehren, vorminderen, tho voranderen und tho vorklaren na unsen und unser frunde weten und willen. Am dage Johannis babtiste, anno 1467.[*]
Tho dem ersten de vorstoringe des sloetes Lheer mit schaden und unkosten darup gelopen. Tom anderen up Weidewert, [*] dat unse salige grotevader Focko mit sin gudt hevet betalet und timmeren laten, dat uns genslich affhandich gemacket is.
Tom derden van golde und sulveren smide, so voele als in twe grote schrene mochten, ock van reden gemunteden gelde in golde und sulver, dat salige Idecke vorwaerhen dede, unde vorloes in de Emese.
Tom veerden van dem huse to Dyckhusen, dat unse grotevader timmeren ledt, und wedder vorstoeret wordt van de stadt Groningen.
Tom vifften van de hove to Brae, de unse grotevader gekofft hadde und de Idecke gedaen hadde Engebert van Langen, und darmede inlosede ehre golden und sulveren smide und vaete, dar wy grote schade an geleden hebben.
Tom sesten unse vole golden und sulveren smyde und reden gemunteden goldes, dat unse salige grotevader hadde nagelaten, dat Uncke und Ewe vorg. deleden, unde uns genslick affhendich wardt.
Tom sevenden maele de mercklichen groten unkost, veide, arbeit und mogenisse, de unse leve salige here greve Ulrick hevet gehadt und geleden jegen de van Hamburg, dat he wedder vorkrech de herlichheit und guede, de van Lier vorkomen weren van salige Focken unsen leven grotevaders in de Hamborger hande unde macht.
Hierinnen beholden unsers rechten, disse klage tho vormehren, vorminderen, tho voranderen und tho vorklaren na unsen und unser frunde weten und willen. Am dage Johannis babtiste, anno 1467.[*]
