| Nummer:oub0843 | Datum:11. Okt. 1466 | Overlevering:Editie | Vindplaats:Ostfriesisches Urkundenbuch, I, S. 730, nr. 843 |
Der Hamburger Rath bittet den Propst Vredewold zu Emden, dahin zu wirken, dass die von dem Grafen Ulrich vor seinem, Tode angeblich mündlich befohlene Aufhebung der von ihm eingeführten neuen Zölle und Auflagen nun auch schriftlich angeordnet werde, jedenfalls aber zu bewirken, dass dieser neue Zoll so schnell als möglich wieder eingehe.
Dem werdigen unde vorsenigen heren Johann Vredewolde, doctori ime geistliken rechte, proveste tho Emeden etc., unnseme besunderen ghunstigen ghuden frunde unde forderer.
Unsen fruntliken grut mit vermoge alles ghuden tovoren. Werdige leve here provest, bisundere gunstige gude fremd. Also denne juwer werdicheit to untwivel wol witliken is, wat ... unde arbeides an unsen mannichvoldigen fruntliken schriften unde mergklicken besendingen under swaren kosten unde teringen wy gedan hebben von sodaner nyen tolle, axcisen unde beswaringen, von greven Olrike up unsen copman unde Hamborger beer gestellet, umme de wedder af to donde, welk uns denne wente hereto nicht hefft mogen dyen, unde alse denne de ergenante greve Olrick nu na deme willen Godes de gemene schuld ade (!) betalende in God den Heren is vorstorven, de eme gnedich unde barmhertich sii, unde in sineme latesten begert, bestellet unde also bevalen schal hebben, so wy vorfaren, dat sodane nye tolle, axcise unde beswaringe afgestellet sin unde bliven scholden, alse sik billiken na unser meninge wol geborde; also, werdige here, ifft deme also gescheen were, so wy hopen, bidden wy in fruntlikeme flite deger andechtighen, gy uns dat schriftliken willen henalen; weret overst noch also nicht gescheen, so is unse flitige begere unde bidden, gy dith mit deme besten woer unde so juw des von noden dungket wesen dorch siner selen salicheit unde unser unschuld willen, vortsetten unde mit gantzeme flite vorforderen, dat sodane tolle, axcise unde beswaringe, gudliken sunder lange vortoch moge affgedan werden, angeseen sulke sware loffte unde eede unde vorsegelinge uns deshalven von deme erben. heren Olrike gedan, so juwe werdicheit sodane ane twivel wol indechtich is, up dat sine zele darumme nicht lyden, wy ok sodanes nicht uteren derven uns des forder to beclagende; juwe werdicheid wille sik hirane mit gantzeme vlite bewisen unde desset mit deme besten vortsetten, so wy juw des unde alles gudes alse unseme bisunderen gunstigen guden frunde unde forderer in gantzer tovorsicht wol betruwen, dat wii mit geborliker erkenninge gherne vorschulden unde vordenen willen allewege wor wy konen unde mogen; unde bidden des, juwer leve, de God almechtich sund unde salich mothe sparen unde fristen to langen tyden, gudlike bescreven antworde by desseme jegenwardigen. Screven ander unserer stad secrete, ame sonnavende na Dionisii, anno etc. LXVIo.
Borgermeistere unde radmanne der stad Hamborgh.
Unsen fruntliken grut mit vermoge alles ghuden tovoren. Werdige leve here provest, bisundere gunstige gude fremd. Also denne juwer werdicheit to untwivel wol witliken is, wat ... unde arbeides an unsen mannichvoldigen fruntliken schriften unde mergklicken besendingen under swaren kosten unde teringen wy gedan hebben von sodaner nyen tolle, axcisen unde beswaringen, von greven Olrike up unsen copman unde Hamborger beer gestellet, umme de wedder af to donde, welk uns denne wente hereto nicht hefft mogen dyen, unde alse denne de ergenante greve Olrick nu na deme willen Godes de gemene schuld ade (!) betalende in God den Heren is vorstorven, de eme gnedich unde barmhertich sii, unde in sineme latesten begert, bestellet unde also bevalen schal hebben, so wy vorfaren, dat sodane nye tolle, axcise unde beswaringe afgestellet sin unde bliven scholden, alse sik billiken na unser meninge wol geborde; also, werdige here, ifft deme also gescheen were, so wy hopen, bidden wy in fruntlikeme flite deger andechtighen, gy uns dat schriftliken willen henalen; weret overst noch also nicht gescheen, so is unse flitige begere unde bidden, gy dith mit deme besten woer unde so juw des von noden dungket wesen dorch siner selen salicheit unde unser unschuld willen, vortsetten unde mit gantzeme flite vorforderen, dat sodane tolle, axcise unde beswaringe, gudliken sunder lange vortoch moge affgedan werden, angeseen sulke sware loffte unde eede unde vorsegelinge uns deshalven von deme erben. heren Olrike gedan, so juwe werdicheit sodane ane twivel wol indechtich is, up dat sine zele darumme nicht lyden, wy ok sodanes nicht uteren derven uns des forder to beclagende; juwe werdicheid wille sik hirane mit gantzeme vlite bewisen unde desset mit deme besten vortsetten, so wy juw des unde alles gudes alse unseme bisunderen gunstigen guden frunde unde forderer in gantzer tovorsicht wol betruwen, dat wii mit geborliker erkenninge gherne vorschulden unde vordenen willen allewege wor wy konen unde mogen; unde bidden des, juwer leve, de God almechtich sund unde salich mothe sparen unde fristen to langen tyden, gudlike bescreven antworde by desseme jegenwardigen. Screven ander unserer stad secrete, ame sonnavende na Dionisii, anno etc. LXVIo.
Borgermeistere unde radmanne der stad Hamborgh.
