| Nummer:oub0837 | Datum:2. April 1466 | Overlevering:Editie | Vindplaats:Ostfriesisches Urkundenbuch, I, S. 725, nr. 837 |
Hamburg macht Lübeck auf die Rüstungen Ostfriesischer Häuptlinge aufmerksam, welche die Kaufleute zur See beschädigen wollen.
Den ersamen vorsichtigen unde wisen herenn borghermeisteren ende radmannen der stad Lubeke unnsen besunderen guden frunden.
Recepta 3a. Aprilis, anno LXVI.
Unnssen fruntliken grut mit vermogen alles gudes tovoren. Ersame wise heren, bisunderen guden frunde. Wii fugen juwer leve fruntliken weten, dat wii in engkeder erfaringe hebben, dat ok alzo in der warheid schole sin, wo dat itlike hovetlinge in Vressch dengken uth to redende, ok alrede ichtes welke knechte ime mergkliken talle hebben in der zee, den unschuldigen kopmanne unde gemenen zeevarenden mane to beschedigende, dat God almechtich mildichliken mothe affkeren. Deme nu weddertostande, begeren wii fruntliken, juwe ersamheid wille hiirto mede vordacht zin, so des van noden sy, up dat de kopmane unde zeevarende mane vor schaden vorwaret sin moge. Ok heft de erbare Tanne Duren, tho Jever etc. hovetlingh, unnssem radesmedekumpanen, heren Johan Gherwer, gescreven, so gii des sine meninge in desser ingelechten sines breves waraftigen copien wol werden vornemende, begeren, in flite biddende, juwe leve wille einsodant, [*] alze id tgemene beste unde wolvard des copmanes andrepet, overwegende betrachten, wes hyrane samptliken, nutte, radsam, unde ok von noden is, to donde, unde uns juwe guden meninge schriftliken laten weten, dat vorschulden wii gherne wedder allewege umme desulven juwe leve, de God de Here in wolfard ewich wille fristen. Screven under unser stad secrete ame guden midweken[*] anno etc. LX sexto.
Borgermeistere unde radmanne der stad Hamborgh.
Recepta 3a. Aprilis, anno LXVI.
Unnssen fruntliken grut mit vermogen alles gudes tovoren. Ersame wise heren, bisunderen guden frunde. Wii fugen juwer leve fruntliken weten, dat wii in engkeder erfaringe hebben, dat ok alzo in der warheid schole sin, wo dat itlike hovetlinge in Vressch dengken uth to redende, ok alrede ichtes welke knechte ime mergkliken talle hebben in der zee, den unschuldigen kopmanne unde gemenen zeevarenden mane to beschedigende, dat God almechtich mildichliken mothe affkeren. Deme nu weddertostande, begeren wii fruntliken, juwe ersamheid wille hiirto mede vordacht zin, so des van noden sy, up dat de kopmane unde zeevarende mane vor schaden vorwaret sin moge. Ok heft de erbare Tanne Duren, tho Jever etc. hovetlingh, unnssem radesmedekumpanen, heren Johan Gherwer, gescreven, so gii des sine meninge in desser ingelechten sines breves waraftigen copien wol werden vornemende, begeren, in flite biddende, juwe leve wille einsodant, [*] alze id tgemene beste unde wolvard des copmanes andrepet, overwegende betrachten, wes hyrane samptliken, nutte, radsam, unde ok von noden is, to donde, unde uns juwe guden meninge schriftliken laten weten, dat vorschulden wii gherne wedder allewege umme desulven juwe leve, de God de Here in wolfard ewich wille fristen. Screven under unser stad secrete ame guden midweken[*] anno etc. LX sexto.
Borgermeistere unde radmanne der stad Hamborgh.
