Synet zu Jennelt überträgt alle ihm aus der Erbschaft des Häuptlings Sybrant Imellena zu Eilsum zustehende bewegliche und unbewegliche Habe an den Grafen Ulrich von Ostfriesland.

Witlick, kundich unde openbar siid allen edellen duchtighen vromen erbaren ersamen prelaten, provesten, kerckheren unde allen vorsichtigen kloken unde beschedenen luden, de dessen breff zeen offte horen lezen, woe dat ich Synet to Geenled myt vryen willen, vorberaden mode, hebbe ghegheven, updraghen unde tostaen, gheve, updrage unde tostae jegenwordich in unde myt krafft dusses breves, alle de erve unde guedere, golt, sulver, replick unde unreplick my andrepende, tovallen unde toghestorven sin van Sybrant Imellena, to Edelzum hovetling saliger dechtnisse, wegene, deme edellen walghebornen vormoghenden unde dorchluchteden fursten unde heren, hern Ulrike, to Norden, Greetziil, Emeden, Auwerke, Berum etc., greve in Oestfreeslant, synen kinderen ende rechten erven, koren unde ungheboren, stede, vast to ewigen tyden sunder my, myner rechten erven, boren unde ungheborn, weddersprake; desse sulve erve unde guedere, golt, sulver, replick unde unreplick, war offt woe datze belegen syn to bruken, to besitten, wesselen. unde vorkopen, darmede to doende, wes en belevet, alle argelist, hulperede, nyefunde, beyde myt gheestliken unde werlschen rechte, uothghesecht; mit zodanen vorworden unde underschede, dat ick Synet vorscr. schal vrig unde quyt schulden wesen vor alle ansprake, de my komen mochten van desse vorbenomten erve unde guedere wegene, nu offt in tokomene tiiden sunder alle argelist. Des to tuge hebben hiir mede an unde over ghewesen Therring, Hango Fremersna, Wiltet, Zebensna, inwoners to Edelzum. In orkunde der warheit zo heb ick Synet vorbenomt vruntliken ghebeden den erbaren prior to Sylmonken unde den prior to Appingen, hern Sybrant, kerckhern to Edelzum, Hayo tor Papenhorch provest to Hleer. Beno provest to Uttum, ltze Keensna, voget to Emeden, dessen breeff van myner wegene to beseghelen, na dem dat ick sulven gheen seghel bin brukende. To ener merer tuchnisse der warheit zo hebben wy her Peter, prior in der tiit to Sylmonken, her Heynderich, prior to Appinge, unse beyde conventseghele myt witschup unses convent ghehangen an dessen breeff, unde wy Sybrandus, Hayo, Beno, Itze vorbenomt unse ingesegele mede hangen to dessen breeff. Na der bord Christi dusent veerhundert, darna amme viff unde sestigesten yare, sabbato Palmarum.[*]

x

x

Fonds	Ostfriesisches Urkundenbuch, I
Fol.nr.	S. 712
Nr	823
Olim	Orig.: Eigenthum des Grafen Edzard von Inn- und Knyphausen auf Lütetsburg.
Jaar	1465
Datumcode	Palmar

x

x

Commentaar

Siegel: 1. Der h. Martin zu Pferde, in gothischer Nische, zu seinen Füssen ein knieender Bettler auf einen Stab gestützt. Der Heilige trennt mit dem Schwerte ein lang herabwallendes Stück von seinem Mantel. Umschrift:. . . . m beati Martini. . . . . . regul. in Si . . . . . . 2. Die Jungfrau Maria mit dem Christuskinde auf blumenreichem Grunde sitzend, hinter ihr ein Wappenschild mit der Harpyie. Umschrift unleserlich, schön gearbeitet. 3. Fehlt. 4. Wappenschild mit rechtsaufgerichtetem Löwen, Helmschmuck 2 Federn. S . . . eye . . r Papenborch. 5. Dasselbe Wappenbild, darüber der h. Paulus. S. Beno . . prepositi . . . . talis . . . . ttum. 6. Fehlt.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 823