| Nummer:oub0745 | Datum:9. Aug. 1459 | Overlevering:Editie | Vindplaats:Ostfriesisches Urkundenbuch, I, S. 643, nr. 745 |
Bürgemeister und Rath zu Groningen und Häuptling Ulrich schliessen einen Vertrag dahin ab, dass fortan Freundschaft zwischen ihnen bestehen soll und dass jährlich am Sonntag nach Fronleichnam Abgesandte von beiden Seiten zusammenkommen sollen, um etwaige Misshelligkeiten zu schlichten, damit die Kaufleute möglichst ungehinderten Verkehr haben.
Wy borgermestere ende raed ende gemene meente der stad Groningen an die ene, Olrick to Grietzyll, Norden, Auricke, Emden, Berum etc. in Oestvrieslanden hoefftlingk an de ander zyden, kennen openbaer in desser scryfft, dat wy samentlike van rechter mynnen ende vrentscapp een begrypp ende verdracht myt malkanderen besloten hebben in ener ewygen stantafftigen vreden ende vrentscappe te blyvende, so dat wy parte voerg. offte onse wulmachtige des jaers eens sullen tosamen komen, nameliken uppe den zonnendage na corporis Cristi, omme dan to verstane alle gebreke, die ondertusschen verresen sint ende verrysen mogen, ende die neder te leggen, ende daerup sall de koepman an beyden zyden vry ende velich kopen, varen ende verkiren, als dat van oldes geweest hefft, ende up alsulken toll als daerup staet. In orkonde ende merre vestenisse hebben wy borgermestere, raed ende mene meente der stad van Groningen vorg. onser stadzegell hyr angehangen. Ghegeven in den jaer ons Heren dusent vierhundert negen ende vyfftich, up sunte Laurencius avent.
