| Nummer:oub0682 | Datum:23. Dez. 1454 | Overlevering:Editie | Vindplaats:Ostfriesisches Urkundenbuch, I, S. 596, nr. 682 |
Evert Sickinge, Propst zu Loppersum und Häuptling zu Winsum, verträgt sich mit seinem Schwager Ewe Erickes zu Jemgum wegen eines Steinhauses, einer Warfstätte und dreissig Grase Landes, welche zu dem Erbgut seiner Frau gehören, und verspricht, ihn seitens anderer Erben des Focko Ukena schadlos halten zu lassen.
Ick Evert Sickinge, provest tho Loppersum[*] und hovetlingh tho Winzum, betuege klaerlicken in deser warheidt, wo dat ick mi leflich und frundlich hebbe vordragen mit Ewe Erickes tho Jemgum, minen leven swager, van sodanige schelinge, saecken und tweedracht, als ick up em was klagende, van een steenhus und warff mit anderthalf stige grase landes, van Amken miner husfrouwen moederlicker gueder wegen, dar uns tho beiden siden an genoget, vor eine seckere summe geldes, welche ick tho dancke und volle genoege hebbe van Ewen vorg. entfangen, und dancke em guder betalinge, so dat ick tho ewygen tyden nicht mehr tho klagen hebbe; belove em ock van selige Focko Uken andere erven, gebaren und ungebaren, schadeloes tho holden und vor alle ansprake guet warende tho sin tot ewigen tiden sunder enige hulprede, argelist und neye funde. In orkunde der warheit hebbe ick Evert vorg. min insegel mit wittschap hangen heten vor dissen breff und hebbe vorder gebeden den ersamen Egbert, voget tho Emden, van minentwegen mede tho besegelen. Geschreven na Gades geboerte dusent CCCCo und ver und vifftich, des mandages vor der hilligen karstavent.
