Sirk zur Friedeburg und Edo Boynges benachrichtigen den Ruth zu Bremen, dass sie, obwohl sie nach dem auf der Heide zu Marx vereinbarten Recesse nicht ausserhalb Landes zu Tagfahrten zu kommen brauchen, dennoch zur Zusammenkunft in Oldenburg Abgesandte schicken werden.

Den ersamen unde vorsichtigen heren borgermeisteren unde radmannen der stat Bremen unssen bisunderen ghuden vrunden d. d. d.
Vruntliken denst unde wes wy gudes vormoghen tovorn guden vrunde.
Juwen breff uns ghesant inneholdende van vorramet twischen Tannen unde Lubben unde uns binnen Oldenborch des don neghest Viti nu neghest komende, dar gii uns van des recesses wegene uppe (Markeser) heide ghemaket mit rechte ofte in vruntschop willen vorscheden, begerende van uns ... desulven dachstede unde tiit to vorsukende etc. Darup wii juwer leve don weten, wowol wii mit rechte unde ok na lude des recesses, uppe der vorscr. Markeser heide ghemaket, buten Vreslant nene dachstede plichtich sint to vorsukende, so willen wii doch umme juwer leve unde vruntschop willen de vorscr. dachstede unde tiit mit unssen sendeboden besenden unde van juwer leve gerne de rechtes uthsprake van des recesses wegene scriftliken laten untfangen; unde war wii juwer leve to willen unde denste ane mogen wesen, dar scholen gii uns gutwillich ane vinden alleweghe. Siit Gode bevalen. Screven under myneme Edens Boynghes ingesegel, dar my Sirke nu tor tiit mede an ghenughet. Des sondages na des hillighen lichammes daghe, anno etc. quinquagesimo.
Sirk to Vredenborch, Ede Boynghes, hovetlinghe.

x

x

Fonds	Ostfriesisches Urkundenbuch, I
Fol.nr.	S. 545
Nr	625
Olim	Orig. [1] im Archive zu Bremen.
Jaar	1450
Datumcode	DpSacram

x

x

Commentaar	Das Siegel ist verloren.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 625