| Nummer:oub0601 | Datum:11. Okt. 1448 | Overlevering:Editie | Vindplaats:Ostfriesisches Urkundenbuch, I, S. 527, nr. 601 |
Lübeck ersucht Bremen, Tanno Duren und seine Partei zu veranlassen, mit Häuptling Ulrich und seiner Partei den vereinbarten Frieden vom 18. Juni d. J. zu beobachten.
Consulibus Bremensibus.
Post salutationem. Ersamen heren, leven vrunde. Wy begeren ju weten, dat de erbare unde duchtige Olrik to Grietsil, Norden, Brokmerland, Esenssen unde Aureke hovetling, uns hefft gesand sinen breff, darinne he syk swarliken beclaget over Lubben unde Tannen unde de eren, dat se dat groteste punt mit dem klenesten, dat in deme sonebreve mit juwer der van Hamburg unde aller parte anhangenden ingesegelen besegelt uppe de sone gemaket, nicht geholden en werde, alse gy vernemen moegen in der utscriffte des erbenanten Olrikes breves an uns gesant hirinne verwaret; warumme wy juwen leven darvan uterliker to desser tiit nicht en scriven etc. Leven heren unde vrunde, umme to vormyden verderffliken schaden beyder parte landen unde luden, de hirvan errysen unde erwecket mochte werden, des wy unde unse vrundes van Hamborch nicht gerne en segghen unde ok ungerne de lenge mochten gesteden, so begere wy van juwen leven deger fruntlike, dat gy de genanten Lubben, Tannen unde ere partyen mit den eren so gut willent hebben vermogen unde se darto bringen, dat se de sone na lude der sonebreve besegelt noch holden unde Olrike na lude unde inneholde sines breves unclachafftich maken, up dat yd twisschen den beyden parten to nynen vordern unwillen en kome; versculde wy umme juwe ersamheide unde leven gerne wor wy mogen; wes wy ok dem genanten Olrike hiraff wedder scriven moghen unde he unser vrede hirinne mach geneten, des begere wy juwes bescreven antwordes by bringer desses breves. Gode etc. Screven etc. feria sexta post Dyonisii, anno etc. XLVIII.
Post salutationem. Ersamen heren, leven vrunde. Wy begeren ju weten, dat de erbare unde duchtige Olrik to Grietsil, Norden, Brokmerland, Esenssen unde Aureke hovetling, uns hefft gesand sinen breff, darinne he syk swarliken beclaget over Lubben unde Tannen unde de eren, dat se dat groteste punt mit dem klenesten, dat in deme sonebreve mit juwer der van Hamburg unde aller parte anhangenden ingesegelen besegelt uppe de sone gemaket, nicht geholden en werde, alse gy vernemen moegen in der utscriffte des erbenanten Olrikes breves an uns gesant hirinne verwaret; warumme wy juwen leven darvan uterliker to desser tiit nicht en scriven etc. Leven heren unde vrunde, umme to vormyden verderffliken schaden beyder parte landen unde luden, de hirvan errysen unde erwecket mochte werden, des wy unde unse vrundes van Hamborch nicht gerne en segghen unde ok ungerne de lenge mochten gesteden, so begere wy van juwen leven deger fruntlike, dat gy de genanten Lubben, Tannen unde ere partyen mit den eren so gut willent hebben vermogen unde se darto bringen, dat se de sone na lude der sonebreve besegelt noch holden unde Olrike na lude unde inneholde sines breves unclachafftich maken, up dat yd twisschen den beyden parten to nynen vordern unwillen en kome; versculde wy umme juwe ersamheide unde leven gerne wor wy mogen; wes wy ok dem genanten Olrike hiraff wedder scriven moghen unde he unser vrede hirinne mach geneten, des begere wy juwes bescreven antwordes by bringer desses breves. Gode etc. Screven etc. feria sexta post Dyonisii, anno etc. XLVIII.
