| Nummer:oub0600 | Datum:11. Okt. 1448 | Overlevering:Editie | Vindplaats:Ostfriesisches Urkundenbuch, I, S. 526, nr. 600 |
Lübeck an Hamburg: sendet die mitgetheilten Schreiben zurück und schickt den gewünschten Abmahnungsbrief an den Ruth von Bremen zur Weiterbeförderung mit.
Hamburgensibus.
Post salutationem. Ersamen heren, leven vrunde. So gy uns senden twey scriffte in juwem breve besloten, der een in en recessus twisschen Olrike to Ensessen (sic), Norden unde Aureke hovetlinge unde sinen vrunden up ene, Tannen Duren, Lubben Onneken unde eren vrunden up de andern syden, up de soene unde den vrede vormiddest den ersamen dem rade van Bremen unde juwen ersamen radessendeboden gededinget unde gemaket, unde de andere een aveseriffte juwes breves, den ju de vorgenanten Olrik hefft gesand, hebbe wy wol vernomen etc. Leven vrunde, uns hefft desulve Olrik dergelyken ok gescreven, unde so ju duncket, so werde dem erbenanten Olrike unde sinen vrunden de vorgerorde sone unde vrede genssliken verbroken. Gy begeren, dat wy den van Bremen willen scriven, dat se Tannen Duren, Lubben Onneken unde ere vrunde also underwysende vermogen, dat se de sone na inneholde der besegelden brave darup gemaket holden unde den genoch don; gy bidden ok, alse wy den van Bremen scrivende werden, dat wy ju ene avescriffte darvan senden wyllen etc.; leven vrunde, na juwen begerte sende wy ju den vorgerorden recessus unde de avescriffte an ju gescreven wedder hirinne verwaret; vorder na juwem unde ok Olrikes begerte scrive wy an de van Bremen mit Olrikes breves avescriffte in unsem breve besloten, also gy mogen vernemen in der drudden utscriffte ok hirinne verwaret, welken unssen breff an de van Bremen gy ave mit juwem breve vort mogen senden, unde wes se uns to antworde sennen, dat moge gy apenen unde lezen, uns denne unsen breff mit juwem signete vorwaret vorder benalen unde utscriffte darvan Olrike erbenant willen senden, up dat he syk darna moge wete to richtende. Gode etc. Screven etc. feria exta post Dyonisii XLVIII.
Post salutationem. Ersamen heren, leven vrunde. So gy uns senden twey scriffte in juwem breve besloten, der een in en recessus twisschen Olrike to Ensessen (sic), Norden unde Aureke hovetlinge unde sinen vrunden up ene, Tannen Duren, Lubben Onneken unde eren vrunden up de andern syden, up de soene unde den vrede vormiddest den ersamen dem rade van Bremen unde juwen ersamen radessendeboden gededinget unde gemaket, unde de andere een aveseriffte juwes breves, den ju de vorgenanten Olrik hefft gesand, hebbe wy wol vernomen etc. Leven vrunde, uns hefft desulve Olrik dergelyken ok gescreven, unde so ju duncket, so werde dem erbenanten Olrike unde sinen vrunden de vorgerorde sone unde vrede genssliken verbroken. Gy begeren, dat wy den van Bremen willen scriven, dat se Tannen Duren, Lubben Onneken unde ere vrunde also underwysende vermogen, dat se de sone na inneholde der besegelden brave darup gemaket holden unde den genoch don; gy bidden ok, alse wy den van Bremen scrivende werden, dat wy ju ene avescriffte darvan senden wyllen etc.; leven vrunde, na juwen begerte sende wy ju den vorgerorden recessus unde de avescriffte an ju gescreven wedder hirinne verwaret; vorder na juwem unde ok Olrikes begerte scrive wy an de van Bremen mit Olrikes breves avescriffte in unsem breve besloten, also gy mogen vernemen in der drudden utscriffte ok hirinne verwaret, welken unssen breff an de van Bremen gy ave mit juwem breve vort mogen senden, unde wes se uns to antworde sennen, dat moge gy apenen unde lezen, uns denne unsen breff mit juwem signete vorwaret vorder benalen unde utscriffte darvan Olrike erbenant willen senden, up dat he syk darna moge wete to richtende. Gode etc. Screven etc. feria exta post Dyonisii XLVIII.
