Die in der vorigen Urkunde genannten Häuptlinge bekunden ihrerseits den von den Bremer und Hamburger Rathssendeboten vermittelten Frieden.

Wii Olrick to Norden, Brokmerlande, Esense, Aureke unde Lengen etc., Ede Boynges to Diickhusen unde Tzireck to Vredeborgen up ene, Tanne Duren to Jever, Sibet dessulven Tannen broder unde Lobbe Onneken to Kripenssene hovetlinge up andere side, bekennen unde betugen openbare in desseme breve vor allisweme, dat de ersamen radessendeboden der stede Bremen unde Hamborgh uns beide parte vorben. in unssen unwillen, veiden unde gebreke, dar wii under enander inne weren unde gewest hebben wente an dessen jegenwardigen dagh vrundliken unde lefliken hebben vorsoned, entweigesat unde gescheden in mate unde wise enes openen vorseghelden recessus, als dat hirna van worde gescreven steil unde aldus ludende is: [---]

[VOLGT oub0593]
[---] ... [*] unde wy ergen. beide parte loven unde hebben geloved unsser en deme anderen in guden truwen, dat wy scholen unde willen alle desse vorg. stucke, alse de beredet, bedegedinged sind unde vorgescreven stan vullenkomeliken stede, vast unde unvorbroken holden unde nummermeer dar entigen don noch don laten sunder jenigerleie geveerde unde argelist. Ok hebben wii ergen. beide parte de ersamen rede Bremen unde Hamborgh, unse leven bisunderen vrunde, gebeden, dessen sulven breff to ener mereren betuchnisse mit erer stede ingesegelen mit uns to besegelende. Des to tughe so hebben wii Olrick, Ede, Tzirek, Tanne, Sibet unde Lobby alle vorben. unsse rechten ingesegelen mit witschop unde guden willen gehangen to desseme breve, unde went wii ergen. rede Bremen unde Hamborgh alle desse vorg. stucke willen geholden hebben unde wii na inholde des vorg. recesses van den genanten beiden parten darumme gebeden sin dessen breff mede to besegelende, so hebben wii umme groterer warheid unde liggener orkunde umme erer bede willen unsser stede ingesegele to desseme breve ok gehangen heten. De gegheven unde screven is na Godes bord veerteinhundert jar, darna in deme XLVIII jare, des dinxedages vor sunte Johansen daghe to middemesommere.

x

x

Fonds	Ostfriesisches Urkundenbuch, I
Fol.nr.	S. 520
Nr	594
Olim	Zwei Originalausfertigungen in den Archiven zu Bremen und Hamburg.
Jaar	1448
Datumcode	MaNatJoh

x

x

Commentaar	Siegel: 1. Im Siegelfelde ein Wappenschild init der Harpyie und 4 Sporenrädern, als Helmschmuck die Lilie. Umschrift: S. Ulrici capitalis in terra. 2. Rechtsaufgerichteter Löwe. 3. Doppeladler. . . . . Cirici cap 4. wie 2. Helmschmuck 3 Federn. S. Tannonis Dur... 5. wie 4. S. Lubbonis capitalis. 7. und 8. Die grossen Siegel von Bremen und Hamburg.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 594