| Nummer:oub0592 | Datum:Aurich, 10. Mai 1448 | Overlevering:Editie | Vindplaats:Ostfriesisches Urkundenbuch, I, S. 517, nr. 592 |
Junker Ulrich zu Aurich erhält von Udo Riekena zu Barstede 500 Goldgulden und 4 am Schlossgraben zu Aurich gelegene Grundstücke und gewährt ihm dafür adlige Freiheiten.
Wy juncker Ulrick, hoevetlinck tho Aurick, doen kund unde bekennen in den jaer dusent veerhundert veertich achte, dat wy van unse underdaenen Udde Riekena tho Barstede[*] vyffhundert goldgulden in baaren gelde tho dancke ontfangen hebbe, met veer grote kampen, welcker uns wel gelegen ligen an unser huess Aurick tho der grafften daruth tho maecken, waer voor sulcken gunst der strechde penningen unde kampen schencken wy unser underdaen Udde Riekena adelick fryedoem als junckher, und Gelscken, wat der doen van schatgen, dat sall Ude Riehkena ock doen, unde ock niet meer, dan in tydt der nood sall he uns met een gueden klepper tho felde kamen, unde wel gestruivet mit siin ruesttuig, wo een hoffmann Ihn geboert. Des schencken wy em met een gueden wendt tho jagen haesen und fossen. Oerkund hierbey gewest Weyardt hooftlinck tho Oldersum unde provest meester Heicke in Pewesen. Oerkond hebben wy desen breff mit unsern rinckpitsch verseegelt. Anno dusent veerhundert veertig achte, den teinden may, up unser hues Aurick.[*]
