Häuptling Ulrich von Norden usw. bekundet, dass Onno Helmesten ihm sein Eigenthumsrecht an der Burg zu Nesse cedirt habe.

Ik Olrik, to Norden, Brokmerlande, Emeden, Esensen, Aureke unde Lengen etc. hovedlingk, bekenne unde betuge openbare in desseme jegenwardigen breve vor alle den ghennen, de ene seen ofte horen lesen, dat Onno Helmesten to Nesse[*] mi unde mynen rechten erven mid vorbedachten mode, willen unde vulborde siner rechten erven, heft upgedregen unde overgeven de borg to Nesse mid sodanner herlicheid, tobehoringhe unde rechticheid, alse deme sulven Onnen unde sinen erven van olderen to olderen darvan tokumpt. Men sine andere erfgudere in deme kerspele to Nesse unde wor de anders sind belegen de vorben. Onno unde sine erve mogen unde scholen bruken to ereme willen; unde des to ener groteren witlicheid, bekandnisse unde sekerheit hebbe ik Olrik vorben. myn ingesegel mid willen unde witschop hangen heten to desseme breve. Gegheven na der bord Christi dusend veerhundert jar, darna in deme vif unde veertigesten jare, am sondage alse men singhed Oculi in der hilligen kerken.

x

x

Fonds	Ostfriesisches Urkundenbuch, I
Fol.nr.	S. 497
Nr	567
Olim	Orig.: Grosse Urkundensammlung Nr. 52.
Jaar	1445
Datumcode	Oculi

x

x

x

Commentaar	Das Siegel ist zerstört, nur die Lilie als Helmschmuck kann man noch erkennen.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 567