| Nummer:oub0565 | Datum:Deventer, 1444 | Overlevering:Editie | Vindplaats:Ostfriesisches Urkundenbuch, I, S. 494, nr. 565 |
Klagepunkte der vertriebenen Ostfriesischen Häuptlinge gegen die Hamburger und ihre Gegenpartei.
Allen fursten und heren und ersame menneren geistlich und wertlich, dar dusse clageschrifft vor mach komen eder gelesen werden, doen wy Imelo tho Oisterhuisen etc., Frerick tho Larrelte und Ailt pravest tho Hinte etc. hoevetlingen, witlich, kundich und apenbaer unse klage und ansprake de wy koenen bewisen aver unse wederpartien und de heren und raedt der stadt Hamborch und ore vullmechtigen sendebaden, sunderlich de se tho Embden gehadt, van orentwegen ihn der tidt, als Imell pravest darsulvest van den vorbenoempten ahn den sinen jaemerlich vorkortet und vorkrencket was und noch ihn gevenckenisse untholden wert. Thom ersten klage wy vorbenoempten samptlich, so dar gededinget wurt, dat wy mit alle unse frunden, und medehulperen samptlich unde ein ider vor sick sulvest weder up unse arve, gueder und heerlicheiden schulden kamen, umme dat fry tho besitten und tho gebruiken idt weer gelegen, war idt ock liggen muchte, alse wy dat in vortyden gebruiket hadden, als de recess darup gemaket medebringet. Hirenbaven iss my Imell etc, van den vorbenoempten untweldiget, borge, slote, mit arffliche heerlicheit und jaerliche renten baven dese dusent Rinsche gulden, noch dar baven, dat my de borch tho Oisterhuisen iss affgewunnen, nedergesleten, unde ihm grunde vordelget, alle steen, holt, balken und iserwerck tho der veste, poerten unde muren der stadt Embden gevoert unde dar weder angelecht, dat ick um twintich dusent Rinscher gulden, sunderlicks um den hoen, sma und spyts willen, wulde geleden hebben, ja um noch so veell als vorgeroert, als dat een idermans erbarheit ahn sick sulvest woilt macht kavelen und bedencken, den sodane gwalt, hoen und spyt gescheen weer. Tho dem anderen beclage ick olde Imell up juncker Ocken und sine erven int erste mynes oldevaders guidt, dat iss de helffte van allen sloeten, gerechticheiden, landen, luiden, dat juncker Ocko thom Broeke int gebruick gehadt hefft, dat ridder Ocko my und myn broeder Haro und unse kinderen over de 50 jaer mit gewalt vorentholden hebben. Item der twe Ailden tho Oisterhuisen unde Valderen, de ridder Ocko und frouw Foelke ihn dem staken vorsmachten laten hebben unde oer sloete, erve und guider untweldiget. Ock beclage ick my up dat recht tho Uttum und tho Vischwart, und ock up alle de repliche guider, dat tho Larrelte up der borch was, do juncker Keen (desulve innam).[*] Noch beclage ick my 15hundert und soventich Geldersche gulden, de salige Ailt, Heben gebroder, juncker Keno ihm roden golde geleent hefft. Noch hefft salige Keen Hebrich genamen dre peerde, dartho 100 Fraensche schilde ihn golde und 200 Coerfurster gulden, noch hundert und 50 nie gulden. Ock hefft he salige Foelkelt syn moder im roden golde genamen 92 Fransche schilde, noch 92 Churfurster gulden. Noch iss myn huisfruwe Hebrich genamen dre marck sulvers ihn knopen, schalen unde rosen, dartho enen gordell, de woech des marck van klaren golde. Noch klage ick van ander unbilliche last und schattinge, de up myne arme undersaeten gelecht sinnen, dat ick alles stelle tho erkentenisse.
Des[*] broeder Haren Klage. Ick Haro klage van erve, guider unde rente und heerlicheiden, so tho der sulvigen tidt vorhanden up de van Hamborch alle jaer duisent Rinsche gulden baven dat se my noch hebben de waeninge der borch tho Hinte affgebraken und gesleten und tho Embden gevoert tho oren vesten, poerten und muiren, des ick nicht vorhaelen kan noch geleden hebben wulde umme 4 dusent Rinscher gulden.
Imelen soen Ailtz klage. Ick Ailt provest tho Hinte clage vor myner moeder erve rente alle jaer 4 hundert Postulaetz gulden[*] van der borch tho Grimersum und dat my ahn der sulven borch tho schaden gebraken und gesleten iss meer dan 4 dusent Rinscher gulden. Ihn dussen vorbenoempten mercklichen schaden, so uns gescheen iss ahn heerlicheiden, huiser, renten und guideren und dat wy vorgeroerten ahn den unsen und unsen frunden sinnen entweldiget vor dusser tidt, und hebben des jaemerlich und smelich van den unsen uth lande und luide aver 18 jaeren vordreven gewest sinnen, wowoill wy doich alle tidt averbadich gewest sinnen tho eren und rechte by allen fursten, heren unde steden und alle de sick ere und rechtes vorstaen, gerne vorbliven wulden, des uns nicht wedervaren muchte, dat Gade geclaget sy und alle syne leven hilligen und alle vorbenoempten fursten, heren und steden. Ock klage wy vorbenoempten und van wegen unser frunden, dat wy tho ener benoempten tidt unse vullmechtigen mit groter eerweerdicheit und unkosten ahn de heren van Hamborch gehadt hebben als de weerdigen unde de ehrafftigen heren cummellduir van Buiresmonniken und heren Isebrant medekarckheren tho Norderhave um uns tho rechte tho bedende und also weder tho begerende, des uns een antwordt dorch den sulven cummelduir und heer Isebrant wederquam uth heren Deetloeffs, des borgemeisters tho Hamborch, munde, do thor tidt uth dem sittende raede ahn dem raetstoell, dat se alle sammptlichen ore recht und unrecht, noemptlich by Tanne Kancken und Wiart van Oldersum wulden vorbliven, se sinnen overst ihn korten daegen anders synnes geworden, dat hebben sulchen affscheet nicht willen achtervolgen. Hir en baven sinnen se gekamen ihn unse und unse frunden landt mit heerschilde und geweldiger handt, de lande und luide tho beroven, barnen und vornichtigen, gelick wo se vorhengedaen hadden, des se ahn priesteren und geestlichen personen, de se ore cloester, dorper und huiser waer se quemen joe erste hebben gebrandt und nene sparinge gedaen. Dit alle vorbenoempt beclage wy uns noch baven alles unse kollde, elende, jaemerliche waeninge, toege und unrouwe, de wy ihn frombden landen gehadt hebben, dar wy unbekandt weren und uns mit gelde, geschenck und gaven und unreplicher teringe allewege musten bekant maken, waer wy heertoegen, und weten des een ider vor sick nene rekenschup noch getall up duisent Rinscher gulden tho doende, dat wy ihn unses sulves landen nicht hadden doen doeren als een ider dat woill marcken und erdencken kan.
Des[*] broeder Haren Klage. Ick Haro klage van erve, guider unde rente und heerlicheiden, so tho der sulvigen tidt vorhanden up de van Hamborch alle jaer duisent Rinsche gulden baven dat se my noch hebben de waeninge der borch tho Hinte affgebraken und gesleten und tho Embden gevoert tho oren vesten, poerten und muiren, des ick nicht vorhaelen kan noch geleden hebben wulde umme 4 dusent Rinscher gulden.
Imelen soen Ailtz klage. Ick Ailt provest tho Hinte clage vor myner moeder erve rente alle jaer 4 hundert Postulaetz gulden[*] van der borch tho Grimersum und dat my ahn der sulven borch tho schaden gebraken und gesleten iss meer dan 4 dusent Rinscher gulden. Ihn dussen vorbenoempten mercklichen schaden, so uns gescheen iss ahn heerlicheiden, huiser, renten und guideren und dat wy vorgeroerten ahn den unsen und unsen frunden sinnen entweldiget vor dusser tidt, und hebben des jaemerlich und smelich van den unsen uth lande und luide aver 18 jaeren vordreven gewest sinnen, wowoill wy doich alle tidt averbadich gewest sinnen tho eren und rechte by allen fursten, heren unde steden und alle de sick ere und rechtes vorstaen, gerne vorbliven wulden, des uns nicht wedervaren muchte, dat Gade geclaget sy und alle syne leven hilligen und alle vorbenoempten fursten, heren und steden. Ock klage wy vorbenoempten und van wegen unser frunden, dat wy tho ener benoempten tidt unse vullmechtigen mit groter eerweerdicheit und unkosten ahn de heren van Hamborch gehadt hebben als de weerdigen unde de ehrafftigen heren cummellduir van Buiresmonniken und heren Isebrant medekarckheren tho Norderhave um uns tho rechte tho bedende und also weder tho begerende, des uns een antwordt dorch den sulven cummelduir und heer Isebrant wederquam uth heren Deetloeffs, des borgemeisters tho Hamborch, munde, do thor tidt uth dem sittende raede ahn dem raetstoell, dat se alle sammptlichen ore recht und unrecht, noemptlich by Tanne Kancken und Wiart van Oldersum wulden vorbliven, se sinnen overst ihn korten daegen anders synnes geworden, dat hebben sulchen affscheet nicht willen achtervolgen. Hir en baven sinnen se gekamen ihn unse und unse frunden landt mit heerschilde und geweldiger handt, de lande und luide tho beroven, barnen und vornichtigen, gelick wo se vorhengedaen hadden, des se ahn priesteren und geestlichen personen, de se ore cloester, dorper und huiser waer se quemen joe erste hebben gebrandt und nene sparinge gedaen. Dit alle vorbenoempt beclage wy uns noch baven alles unse kollde, elende, jaemerliche waeninge, toege und unrouwe, de wy ihn frombden landen gehadt hebben, dar wy unbekandt weren und uns mit gelde, geschenck und gaven und unreplicher teringe allewege musten bekant maken, waer wy heertoegen, und weten des een ider vor sick nene rekenschup noch getall up duisent Rinscher gulden tho doende, dat wy ihn unses sulves landen nicht hadden doen doeren als een ider dat woill marcken und erdencken kan.
