Die Visitatoren des Cisterzienser Ordens in Friesland und des Klosters Ihlo erklären, dass die von dem Abte Dietrich von Rees zu Ihlo vorgenommene Veräusserung von Münkewarf ganz eigenmächtig und gegen seine Befugniss vorgenommen sei.

Nos fratres Bernardus abbas ad sanctam Mariam in Clarocampo ordinis Cysterciensis Traiectensis dyocesis, sacre theologie professor, visitator per Frisiam premissi ordinis, ut in literis desuper confectis apparet, constitutus, et Rodolphus abbas ad sanctum Bernardum in Adwerth, ordinarius visitator monasterii sancte Marie in Scola Dei, Monasteriensis dyocesis, notum facimus universis et singulis presencia visuris seu audituris, quod nunquam dedimus litteraliter vel verbaliter licentiam domino Theoderico de Rees, quondam abbati Scole Dei Bremensis dyocesis, auctoritate ordinis vendendi seu alienandi aliqua bona immobilia a monasterio predicto de Scola Dei, que auctoritas capituli generalis et omnis alienatio sive venditio immobilium sine auctoritate premissa secundum tenorem nostrorum privilegiorum de facto[*] est irrita et inanis. Preterea fratres dicti monasterii coram nobis deposuerunt suas manus ad pectus ponendo, ad hoc per nos requisiti, sicut et prius tempore dicti domini Theoderici tempore sue[*] absolucionis contra eundem deposuerunt, quod eidem nunquam consenserunt ad vendendum aliqua bona immobilia et presertim in venditione allodii in Monekewerven, in Astragroda in parochia Dornum[*] situati, inita cum nobilibus et honestis viris capitalibus, videlicet Mauricio in dicto Dornum et Haykone in Hint. Quare vocati[*] ad nos sicut prius quandoque eodem modo advocavimus fratres dicte Scole Dei, ut in verbo sacerdotii testimonium perhiberent veritati, et invenimus maiorem ac saniorem partem fratrum non consensisse sed potius contradixisse; ceterum nichilominus percepimus in verbo veritatis ab eisdem fratribus sigillum conventus dicte Scole Dei pro tunc surrepticie acquisitum et obtentum et omnia facta, scripta ac sigillata premissam materiam tangentia, ignorante capitulo, saltem maioris et sanioris partis, ut prefertur, dicti conventus secrete latenter et silenter peracta sunt et patrata. Acta sunt hec in monasterio prefato, anno Domini M^o quadringentesimo quadragesimo tercio, crastina visitationis Virginis gloriose, in presencia dompni Theoderici Peyns, officialis generalis curie Bremensis, et Alberti curati in Weineym, Bremensis diocesis, quod nos cum nostris dependentibus sigillis una cum sigillo dicti domini Alberti protestamur.

x

x

Fonds	Ostfriesisches Urkundenbuch, I
Fol.nr.	S. 484
Nr	549
Olim	Orig.: Kl. Ihlo Nr. 2. Gedr. Suur, Klöster, S. 161.
Jaar	1443
Datumcode	cVisMar

x

x

x

Commentaar	Siegel: 1. Fragmente von der Gestalt eines Geistlichen. 2. Ein aus eines Kutte hervorragender Arm, der sich auf einen Pilgerstab stützt. 3. Ein über einem Wappenschild mit grossem gothischen A wachsender Geistlicher in gothischer Nische, mit der R. segnend, in der L. einen Stab haltend. s. domini Alberti curati in Weyn.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 549