Home

Nummer:oub0501

Datum:24. Sept. 1438

Overlevering:Editie

Vindplaats:Ostfriesisches Urkundenbuch, I, S. 445, nr. 501

Regest

Herzog Philipp von Burgund usw. nimmt eine Reihe Ostfriesischer Häuptlinge unter seinen Schutz und verspricht, sie namentlich gegen Hamburg zu beschirmen.

Phillips by der gracien Goids hertoge, van Bourgonien, van Lothringen, van Brabant ende van Lymborch, grave van Vlaenderen, van Artois, van Bourgonien, palatyn van Henego, [*] van Hollant, van Zeelant ende van Namen, marcgrave des heyligen rycx, here van Vrieslant, van Salins ende van Mechelen, doen cond allen luden, dat wy in onser protectien ende bescermenisse, ende tot onsen dyeneren ende ondersaten angenomen ende onthouden hebben, annemen, onthouden, ende ontfangen mit desen onsen brieve onse geminde vrunde, Ymele hovetlinge to Hint ende to Oisterhuysen, Aelt ende Volcmer to Griemerswyrden[*] hovetlinge, Ymelen zonen, Frederick hovetlinge van Hint ende Lart[*] ende Tyeert van Dockem, hovetlinge van Oeldendorp, mit allen hoiren huysgesinde, vrunden ende magen, ende anders alle die gene, dair zy voir verantwoirden willen, ende geloven ze te houden, te styven ende te sterken in allen hoiren privilegien, vryheden ende rechten tegen dien van Hamborch, ende anders tegen allen den genen, dies mit dien van Hamborch houden ende toestaen, ende him luden letten hinderen off deeren wilden in lyve, in goede, off in wat manieren, dat dat geschien soude mogen, behoudelic den keyser ende elc goed Vrieze syn vryheden ende rechten, in machten ende wairden te bliven. In oirconde desen brieven besegelt mit onsen zegel hier angehangen. Gegeven upten vierentwintichsten dach in Septembry, int jair ons Heren duysent vierhondert acht ende dertich.
By minen heren den hertoge grave van Hollant etc. Baroen.

Recto:

«‹›»