| Nummer:oub0497 | Datum:14. Juli 1438 | Overlevering:Editie | Vindplaats:Ostfriesisches Urkundenbuch, I, S. 443, nr. 497 |
Der Häuptling Beve Reynaldesna legirt dem Kloster Marienkamp das Ettenland bei Margens, welches er von seinem Neffen Ynke Beven geerbt hat.
Ick Beve Reynaldesna, hoeftling toe Thornum, [*] tughe ende bekenne in desen apenen brieve voer my ende voer myne rechten eerffghenamen, dat ick myt vryen wyllen ende myt voerdachten mode totter eren Godes in een ewich testament umme salicheit mynre sielen ende mynre olderen ende vrenden hebbe ghegeven den cloester ofte convente Marienkampe, anders ghehieten Esinghervelde, van der Reguliers oerde, gheleghen in den kerspel van Ezense, een stucke landes ghehieten Ettenlant, gheleghen by Merghense opt oesten, welck voerscr. lant my myt rechte erftael van salighen Ynken Beven myns neven dode anghecomen is, alle argheliste utghesproken. In een oerkunde ende tuech der waerheit, soe hebbe ick Beve Reynaldesna voerghescreven mynen ingheseghel an dessen breeff doen hanghen, ende umme merre tuechnisse ende sekerheit, soe hebbe ick ghebeden Thanne ende Maurysken hoeftlinghe toe Thornum, dat se oeck oer ingheseghelen an dessen breeff hebben doen hanghen. Ghegeven in den jare ons Heren dusent vierhondert ende achtendertich, des naesten daghe nae sunte Margareten der heiligher joncfrou ende martelers.
