| Nummer:oub0433 | Datum:21. Juli 1434 | Overlevering:Editie | Vindplaats:Ostfriesisches Urkundenbuch, I, S. 396, nr. 433 |
Die Stadt Münster berichtet an die zu Lübeck versammelten Rathssendeboten der Hansestädte und an die Stadt Lübeck, dass sie auf ihren Wunsch den Bischof von Münster ersucht hat, Focko Ukena nicht zu geleiten, der Bischof aber zuvor Genugthuung für die Besetzung Emdens und die Gefangennahme Imel's verlange. .
Den ersamen heren radissendeboden der gemeynen stede van der Duysschen hensze, nu tor tiid to Lubecke vorgaddert, und deme rade darsulves, unsen leven heren und guden vrunden, gescreven.
Unsen vruntliken grot myt unsen denste to allen tiiden vorgescreven. Ersamen leven heren und bisundern vrunde. Alse juwe ersamheit an uns hevet don scriiven, wo gii hedden negest gescreven unsem gnedigen hern van Monstere, syne herlicheid bidden leten, dat he Focken Uken nicht husen noch in synen lande to wesen liiden wolde etc., so wo juwe breff dat ynnehold, hebbe wii gutliken vorstaen, und mid den sulven breve unse vrunde geschicked an unsen heren vorgescr., juwe bodeschop mit den besten to werven. Dar unses heren gnade in synen scriifften uns up hevet laten wetten, dat syne begeringhe und menynghe sy, dat synen gnaden noch gesche, alse he vaken und vele gescreven und begert hebbe van des slottes Emeden, dat eme de van Homborch und ere helpere affhendich hebben gemaket und synes knechtes und provestes Ymelen, den se eme affgevangen hebben, und eme dar nicht lenger entleget werde, und so langhe alz dat nicht gescheyn sy, so sy eme wal noid to denken na raide syner heren und vrunde, darumme to manende und der genner, de eme darto denen moghen, to bruken und er syner scriifft en sy de vorgescr. Focke ny vor em vorvolget van ju noch umme de zake vorclaget, so wo unses heren breff dat mid mer worden ynnehold. Und, leven vrunde, kunde wii in den off in andern zaken ton besten icht geraden und doen, dar were wii ummers willich und bereyde to sunderlix umme juwer leve willen, de God gespare gesund to langen tiiden. Gescreven under unsen secrete, in profesto beate Marie Magdalene, anno etc. XXXIV.
Borgermestere und raid der stad tho Munster.
Unsen vruntliken grot myt unsen denste to allen tiiden vorgescreven. Ersamen leven heren und bisundern vrunde. Alse juwe ersamheit an uns hevet don scriiven, wo gii hedden negest gescreven unsem gnedigen hern van Monstere, syne herlicheid bidden leten, dat he Focken Uken nicht husen noch in synen lande to wesen liiden wolde etc., so wo juwe breff dat ynnehold, hebbe wii gutliken vorstaen, und mid den sulven breve unse vrunde geschicked an unsen heren vorgescr., juwe bodeschop mit den besten to werven. Dar unses heren gnade in synen scriifften uns up hevet laten wetten, dat syne begeringhe und menynghe sy, dat synen gnaden noch gesche, alse he vaken und vele gescreven und begert hebbe van des slottes Emeden, dat eme de van Homborch und ere helpere affhendich hebben gemaket und synes knechtes und provestes Ymelen, den se eme affgevangen hebben, und eme dar nicht lenger entleget werde, und so langhe alz dat nicht gescheyn sy, so sy eme wal noid to denken na raide syner heren und vrunde, darumme to manende und der genner, de eme darto denen moghen, to bruken und er syner scriifft en sy de vorgescr. Focke ny vor em vorvolget van ju noch umme de zake vorclaget, so wo unses heren breff dat mid mer worden ynnehold. Und, leven vrunde, kunde wii in den off in andern zaken ton besten icht geraden und doen, dar were wii ummers willich und bereyde to sunderlix umme juwer leve willen, de God gespare gesund to langen tiiden. Gescreven under unsen secrete, in profesto beate Marie Magdalene, anno etc. XXXIV.
Borgermestere und raid der stad tho Munster.
