| Nummer:oub0423 | Datum:17. April 1434 | Overlevering:Editie | Vindplaats:Ostfriesisches Urkundenbuch, I, S. 389, nr. 423 |
Johann von der Borg quittirt dem Rathe von Hamburg über den Ersatz seines Schadens, Entschädigung für erhaltene Wunden u. s. w., die er im Dienste der Stadt auf dem Kriegszug zur Eroberung der Sibetsburg erlitten hat.
Ik Johan van der Borch bekenne unde betuge openbare in dessem breve vor allesweme, dat de ersamen heren borgermeistere unde radmanne der stad Hamberg umme myne wundinghe, vor ..., theringe unde schaden, wo men de benomen mach, unde ik de, so ik an erer stad denste mede vor Sybetesborge in Vresch uthe was, geleeden hebbe, mynen willen gemaket unde gentsliken, dat ik en dancke, vornoged hebben, unde late de vorbenomeden borgermeisteren unde radmanne, ere nakomelinghe, borghere, inwonere unde undersaten erer stad van der wegen quyt, leddich unde los an dessem breve. Unde ik unde myne erven willen unde scholen dar nummer upsaken edder namaninghe umme den jenigherleie wys in allen tokomenden tyden, dat ik vor my unde myne erven hebbe geloved unde love jeghenwardigen in desser scrift in guder truwen stede, vast unde unvorbroken to holdende sunder alle list. Des to tughe hebbe ik myn ingessegel witliken vor dessen breff hanghen heten. Gheven na Godes bord verteynhundert jar darna in deine ver unde drithigesten jare, des sonavendes vor Jubilate.
