| Nummer:oub0422 | Datum:11. April 1434 | Overlevering:Editie | Vindplaats:Ostfriesisches Urkundenbuch, I, S. 388, nr. 422 |
Der Propst von Langen überträgt wegen Mangels an Klosterinsassen das Kloster mit allem beweglichen und unbeweglichen Gut dem Abte von Termünten, welcher in Ermangelung von Prämonstratensern auch Mönche anderen Ordens aufnehmen solle, und versetzt die Nonnen, in der Absicht deren künftig nicht mehr zu recipiren, auf das Vorwerk Weerdermönken.
Nos frater Poptatus prepositus totusque fratrum ac sororum conventus in Langhen ordinis Premonstratensis Monasteriensis dyocesis universis presens scriptum visuris seu audituris cupimus fore notum publice protestando, quod parili et unanimi consensu omnium quorum interest vel quomodolibet interesse poterit in futurum, nostrum monasterium in Langhen cum grangiis et bonis mobilibus et immobilibus ad ipsum spectantibus, propter paucitatem personarum, per quas divine laudis die noctuque omnium Domino foret continuanda personancia, quibus caremus, et ne tam solennis locus divino cultui deputatus ad irrecuperabilem ulteriorem deveniat ruinam, ad manus religiosi in Christo patris domini abbatis suorumque devotorum fratrum in Menterna ordinis Cisterciensis premisse Monasteriensis dyocesis forma infrascripta libere et animis bene deliberatis resignamus, ut videlicet idem venerabilis pater dominus abbas fideliter aput quoscunque laboret devotosque fratres ad[*] devotos, qui locum premissum in Divino servent et continuent servitio iuxta ordinis nostri instituta habeamus, quod si ad effectum deducere nequeat, quod extunc alios habeamus cuiuscunque ordinis nostre presidencie libenti animo cedere sumus parati, monialibus penitus ad grangiam in Wirdum prope Uldersum sine aliquarum ulteriori receptione[*] eliminatis;[*] premissa bona fide hiis presentibus firmiter nos observaturos pollicitamur. In horum fidem et testimonium sigillum conventus nostri premissi presentibus duximus appendendum. Datum anno Domini MoCCCCoXXXo quarto, [*] dominica proxima post octavas Pasche.
