Der Pfarrer Boel von Larrelt verpfändet dem Häuptling Imelo zu Osterhusen und Grimersum 18 Grase Landes im Langener Hammrich für eine grössere Summe Geldes in verschiedenen Münzsorten

Ik here Boel, curet to Hlerlt, entkenne openbaer voer alsweme in dessen selven breve, dat ik to pande hebbe untfanghen van Imelen hovetlinghe to Osterhusen, Grymasum etc. achteyn grase landes, beleghen in Langhenre hammerke, voer ene summen gheldes, de ik Imelen hofftlinghe vorg. hebbe goderterliken[*] ghelenet umme synen bede wyllen in sodanen payment, so hiir nae, ghescreven steyt: Int eerst veer unde twinthich Overlandische gulden, twintich older Arns. gulden, sess gulden kronen unde twellff biscopes gulden; welke vorg. land unde erve gheheten is unde ghenamet so hiir nae ghevolghet: Int eerst vyff grase fenlandes in Langhe Eckeren, item veer grase fenlandes gheheten Ydsinghlond beleghen by den Lytken Hoppis uterdijk, item twe grase in Wyldemeed, item vyff grase meedlandes by der Onystyll, item twe grase meedlandes by Ulgheraweer, [*] welke vorg. erve unde land ik her Boell vorg. van den vorben. Imelen hovetlinghe in sodaner wyss hebbe untfanghen unde anghenamen, dat ik her Boell vorg., myne rechten erven, den dat van my bevalen wert, unde jo bij namen der holdere off toener der breve, de my heren Bolen vorg. de vorben. Imele beseghelt upp desse vorg. summen gheldes, unde ok dyt vorghescr. erve ghegheven hefft, solen bruken dyt vorben. land tot unsen besten, de hure nicht to rekenen in den hovetstoell off in dat gheleende ghelt, went ter tijd, dat Imele vorben. off syne rechten erven dijt vorg. land van my heren Bolen, mynen rechten erven off holderen myner breve losen voer so vele gheldes unde in sodaner paymente, do ik her Boell eme ghedaen hebbe unde hiir vorghescreven is. Weer aver sake, dat ik her Boell vorg. dijt vorben. land uthsette enen anderen vor soe vele gheldes, do ik dar upp ghedaen hebbe unde hijr vorghescreven steyt, soe mach Imele hofftlinghe vorben. off syne rechten erven dijt selve land wedder losen van den ghenen, den dat ghesetted were voer so vele gheldes in sodanen paymente, so hee van my heren Bolen heft untfanghen sunder anrekinghe der hure so vorg. is. Dess in orkunde hebbe ik here Boell curet vorg. mynen inghesegel wytliken heten hanghen an dat spacium desses breves. Anno Domini M^oCCCC^oXXXIII^o, in vigilia Johannis baptiste.

x

x

Fonds	Ostfriesisches Urkundenbuch, I
Fol.nr.	S. 382
Nr	415
Olim	Nach dem Orig. im Besitze der Gesellschaft für bildende Kunst etc. zu Emden.
Jaar	1433
Datumcode	vNatJoh

x

x

x

Commentaar	Das Siegel ist verloren.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 415