| Nummer:oub0381 | Datum:Frühjahr 1430 | Overlevering:Editie | Vindplaats:Ostfriesisches Urkundenbuch, I, S. 353, nr. 381 |
Sibet von Rüstringen bittet den Rath von Bremen, seinem dorthin reisenden Unterthanen Heinrich Spelevogel seinen Schutz angedeihen zu lassen, gleich wie er selbst die Bremer Kaufleute in seinem Lande stets begünstige.
Deme eersamen wysen luden borgermesteren und radmannen der stad to Bremen mynen guden vrunden gescreven.
Minen vrundliken grut und wes ik gudes vormach. Ersamen guden vrundes, vor my is geweset Hinrik Spelevoghel myn undersate und hefft my underrichtet, wo he gerne theen wolde to juwer stad to Bremen und vruchtet zik, dat gij ene dar an hinderlijk wesen mochten, und went ik juwe borghere und coeplude in myn land und gebede vranken[*] late und ze gerne heghe und vordere, wor ik mach, dar en des behoeff is, darumme so bidde ik ju vrundliken, dat gij Hinrike Spelevoghele mynen undersaten vorb. leyden und velighen, dat he vor ju und de juwe velich wesen moghe, wor gij dat vormoghen; hebbe gij eme ichtes to to zegghene ik wil zyner mechtich wesen ju to donde went wi to samende komen, des he ju plichtich is, und willen dar by doen als gij gerne zeen, dat ik by juwen borgheren und coepluden do, und wes he myner bede yeghen ju gheneten mach edder nicht, beghere ik juwe bescreven antworde by dessen boden. Syd Gode bevolen. Screven under mynen ingesegele.
Sybet hovetling to Rustringen.
Minen vrundliken grut und wes ik gudes vormach. Ersamen guden vrundes, vor my is geweset Hinrik Spelevoghel myn undersate und hefft my underrichtet, wo he gerne theen wolde to juwer stad to Bremen und vruchtet zik, dat gij ene dar an hinderlijk wesen mochten, und went ik juwe borghere und coeplude in myn land und gebede vranken[*] late und ze gerne heghe und vordere, wor ik mach, dar en des behoeff is, darumme so bidde ik ju vrundliken, dat gij Hinrike Spelevoghele mynen undersaten vorb. leyden und velighen, dat he vor ju und de juwe velich wesen moghe, wor gij dat vormoghen; hebbe gij eme ichtes to to zegghene ik wil zyner mechtich wesen ju to donde went wi to samende komen, des he ju plichtich is, und willen dar by doen als gij gerne zeen, dat ik by juwen borgheren und coepluden do, und wes he myner bede yeghen ju gheneten mach edder nicht, beghere ik juwe bescreven antworde by dessen boden. Syd Gode bevolen. Screven under mynen ingesegele.
Sybet hovetling to Rustringen.
