| Nummer:oub0379 | Datum:27. Okt. 1429 | Overlevering:Editie | Vindplaats:Ostfriesisches Urkundenbuch, I, S. 351, nr. 379 |
Poppke, Sohn des Grevo, zu Gross-Termünten, früher zu Nesse, verkauft dem Kloster Langen zwei Diemathe Wiesenlandes im Nesser Aussendeich.
Universis Christi fidelibus presencia visuris seu audituris quorum interest seu interesse contigerit pateat evidenter, quod ego Poppka[*] Grevena[*] felicis memorie, quondam parrochianus in Nesse, [*] nunc vero residens in maiori Menterna animo bene deliberato maturoque concilio fratris mei necnon cum consensu omnium amicorum meorum vendidi ac vendendo tradidi venerabili domino, domino Poptato, preposito in Langen, terre Emisgonie, ordinis Premonstratensis et suorum communiter conventualium duas dietas[*] pratorum, volgarizando twa demed, [*] sitas et locatas lateraliter ex occidentali parte Mellekonis Gerdisna loend[*] in Nesseter uterdijck, [*]) pro quadam summa pecunie, utputa pro quinquaginta florenis tunc legalibus et dativis, quemlibet florenum pro sex solidis Ockonis computando’ mihi Poppekoni supratacto taliter plenarie et integraliter persoluta. Quare do et assigno prefato preposito et eius monasterio memorato liberam facultatem ac plenariam potestatem predia predicta seu dietas sive demeden possidendi, metendi, vendendi, cambiendi et ad singula faciendi, prout sibi et suis successoribus et eorundem communiter conventualibus visum fuerit expedire, omni fraude et dolo penitus exclusis ac novis inventionibus et reconventionibus remotis. In huius rei testimonium sigillum domini Reyneri curati in maiori Menterna una cum sigillo Aylkonis ibidem capitalis[*] ob rogatum dicti Poppekonis sunt appensa. Datum anno Domini MoCCCCoXXIXo, in profesto Symonis et Jude apostolorum gloriosorum.
