Bischof Heinrich von Münster verbündet sich mit Focko Ukena und anderen Häuptlingen zur Unterstützung gegen Jedermann, ausgenommen den Römischen König und den Erzbischof von Köln, für den Fall, dass nach ausgebrochenem Zwist friedlicher Vergleich fehlschlagen würde, und trifft Bestimmungen über die Beute und Lösegelder u. A. m.

Wy Henrich van Moerse van Godes genaden bisscop to Munster bekennen vormiddes dessem openen breve, dat wy hebben entfangen und entfaen in dessen jegenwordigen breve Focken Ukens hovetling to Hlere, Uken, Tzien und Uden, Focken sones, [*] Sybolt hovetling in Rustringen unde Ostringen, Ymelen hovetling to Hlerlte und to Grymersum, Ymelen Hissekens, provest to Emeden, [*] Wygart hovetling to Uphusen und Hayen van Westerwolde to unsen und unses gestichtes gehuldeden knechten und deynren, und synd na rade und vulborde der ersamen domdekens und capittels der kerken to Munster und anderer unserer manne und vrend[*] vorder myt en vereyniget und malkanderen vorbrevescapet[*] in desser nagescreven wyse: Wert sake, dat Ocko van den Broke off yemant anders se off ere land, der se mechtich synd, overvallen wolden myt veden, [*] myt last off anderer unrechter gewolt in saken, dar wy erer ton eren und to rechte mechtich weren, und sich ere und rechtes by uns, unsem capittel, ritterschap und stede vorboden, [*] und dat an uns und desse vorg. vorvolgeden, kunde wy dan dessen vorg. bynnen eynen mande na der vervolginge[*] nicht ere und rechtes helpen van eren wederpartyen, so solen wy und unse nacomelinge und willen dessen vorg. myt allen den ghenen, der wy mechtich synd, vorderlich, bistendich und behulplich syn und ene helper werden tegen de ghene, de sodane gewalt und unrecht an se keren, wint so lange dat wy en ere und rechtes helpen moghen, des[*] de vorg. dan nicht vorseggen en solen und in der helpe to vorblyven wint so lange, dat en van uns ere und rechtes gehulpen sy, utgeseget unsen genedigen heren, den Romischen koning[*] und syn ryke, und den erwerdigen unsen leven genedigen heren und broder ertzebisscop to Collen, [*] dar wy nicht tegen doen solen off mogen; und myt dessen underschede, wert dat se bynnen dessen maende overvallen worden, so solen wy en doch gunnen, [*] dat en bynnen den neisten vortennachten[*] na der vorvolginge unse amptlude in Emeslande und unser herschap van der Cloppenborch, de up de Egge[*] unses landes en neist beseten synd, volge solen doen myt den lande myt dessen vorworden, so wanner wy off de unse und unse nacomelinge aldus in hulpe weren Focken[*] Uken, Tzien und Uden, Sibolt, Ymelen und Ymelen, Wygardes und Hayen, und uns God dan samentlike zeligede, dat wy jenige lande, lude und slote off stede bekrechtigeden[*] off vangenen vengen, dar wy selves off unse amptlude[*] banner[*] off wympel in den velde weren, alsdan solde sodane gewyn unse gelike[*] halff syn und de andere helfte Fockens und der anderen vorg., und solen dan uns selves und der unser hovether[*] syn off wy off de unse schaden off vorlus hedden sunder Focken und der syner schaden.[*] Ok synd vorworde, off wy und unse nacomelinge so[*] jenige slote, lande off lude in Vresch bekrechtigeden, der wy mechtich worden und der emberen[*] und ut unsen handen umb geldes willen laten wolden, de sole wy Focken und dessen vorg. tovorens eynen maent beden und en de doen vor eyne summen van gelde na seggene unser beyder vrend, [*] alse twyer van unsen vrenden ut unsen rade und twyer van synre wegen, des de veyre na redelicheit seggen van eyner summen van gelde des se wert syn, dat wy des volgen willen, und solen mede doen vorhoden, dat dessen vorg. ut den sloten, landen und steden nicht vorunrechtet en werden, eynen itliken by synen olden rechte[*] to latene, derwyl wy des mechtich synd, sunder argelist. Alle desse vorg. puncte, [*] sementlike und eyn jewelik bisunderen hebbe wy Heinrich van Moerse van Godes genaden bisscop to Munster vorg. vor uns, unse nacomelinge und gestichte gelovet unde loven in dessem breve stede, vast und unvorbroken to holdene sunder argelist, und hebben des to merer bekantnisse unse segel myt ingesegel unses capittels an dessen selven breff doen hangen. Und went desse vorg. puncte myt unses Diderichs Frantzois domdekens und gemeynen capittels der kerken to Monster rade, vulborde und willen gescheit is, wo vorg. is, so hebbe wy des to merer vestnisse und zekerheit der warheit unses capittels segel myt ingesegel unses genedigen heren, hern Hinrikes vorg. an dessen selven breff gehangen. Anno Domini millesimo quadringentesimo vicesimo septimo, die beatorum undecim minium virginum.[*]

x

x

Fonds	Ostfriesisches Urkundenbuch, I
Fol.nr.	S. 326
Nr	362
Olim	Nach dem Orig. im Besitze des Herrn Grafen Edzard zu Inn- und Knyphausen auf Lütetsburg. — Ohne Monatsdatum und mit dem Ausstellungsort Meppen in a Msc. A. 1 Fol. 255, Msc. A. 15 Nr. 6. Hiernach gedruckt Harkenroht S. 249, Matthaeus S. 231, Lünig, Spic. Sec. II, S. 1869. daraus v. Mieris IV, 908 und v. Schwartzenberg I, 474.
Jaar	1427
Datumcode	XImVir

x

x

Commentaar	Die Siegel des Bischofs und des Domkapitels sind erhalten.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 362