| Nummer:oub0350 | Datum:31. Mai 1427 | Overlevering:Editie | Vindplaats:Ostfriesisches Urkundenbuch, I, S. 315, nr. 350 |
Einige Häuptlinge von der Ukena'schen Partei empfehlen den Richtern und Eingesessenen des Butjadingerlandes, als ernannten Schiedsrichtern, die Friesischen Angelegenheiten und namentlich die Sache Imelo's, diesem nämlich wieder zu seinem väterlichen Erbe, der Stadt Emden, zu verhelfen.
An de ghetruwen raedgheven unde meyne menheycl in Butyaden unsen besunderen truwen frundes leyflike gescreven.
Unsen gunst unde wes wy gudes vormoghen. Leven frunde, wy begeren ju to wetene dat wy bij ju unde deme rade van Bremen hebben vorramet eynes vruntliken daghes uns unde juncher Ocken to schedene in vruontschapen van desser vede, de wy nu voren unde hebben umme vryheyt der meynen Vresen, warumme wy ju hochliken bydden unde begeren, dat gij to hope spreken myt juwer gansen menheyd unde myt den ghenen de gij darto kesen, desse vruntschap ut to sprekene van unser wegene, unde besorghen uns unde de ghemenen Vresen, dat eyn itlick moghe bruken, dat em van rechte to horet unde eynen itlicken dat weder werde, dat em in unredeliken saken unde unrechte affwunnen ys; als by namen so begere wy samentlike dat gij behulpelich zynnen Imelen Hissekens hovetling to Osterhuzen, dat em weder werde Emeden zyn vaderlike erve, [*] dat em angheboren ys van olderen to olderen, als ju wal kundich ys; unde, leven frunde, ys sake, dat Emeden nycht weder kumpt in de rechten hand, so sorge wy dat alle mene Vresen werden vordervet to ewyghen tyden als ju wal kundich ys. Leve frunde, in desser vorgen. sake bewyset ju alz wy ju togheloven unde betruwen uppe dat, dat gij uns erlike besorgen in desser vruntschap unde de ghemeynen Vresen. Zijt Gode almechtich bevalen. Gescreven under unse ingesegele, de saterdage na unses Heren hemelvard.
Imele to Hlerlte unde Grimessum,
Imele Hyssekens to Osterhuzen,
Enno Edzardes to Gretzijl, hovetlinge.
Unsen gunst unde wes wy gudes vormoghen. Leven frunde, wy begeren ju to wetene dat wy bij ju unde deme rade van Bremen hebben vorramet eynes vruntliken daghes uns unde juncher Ocken to schedene in vruontschapen van desser vede, de wy nu voren unde hebben umme vryheyt der meynen Vresen, warumme wy ju hochliken bydden unde begeren, dat gij to hope spreken myt juwer gansen menheyd unde myt den ghenen de gij darto kesen, desse vruntschap ut to sprekene van unser wegene, unde besorghen uns unde de ghemenen Vresen, dat eyn itlick moghe bruken, dat em van rechte to horet unde eynen itlicken dat weder werde, dat em in unredeliken saken unde unrechte affwunnen ys; als by namen so begere wy samentlike dat gij behulpelich zynnen Imelen Hissekens hovetling to Osterhuzen, dat em weder werde Emeden zyn vaderlike erve, [*] dat em angheboren ys van olderen to olderen, als ju wal kundich ys; unde, leven frunde, ys sake, dat Emeden nycht weder kumpt in de rechten hand, so sorge wy dat alle mene Vresen werden vordervet to ewyghen tyden als ju wal kundich ys. Leve frunde, in desser vorgen. sake bewyset ju alz wy ju togheloven unde betruwen uppe dat, dat gij uns erlike besorgen in desser vruntschap unde de ghemeynen Vresen. Zijt Gode almechtich bevalen. Gescreven under unse ingesegele, de saterdage na unses Heren hemelvard.
Imele to Hlerlte unde Grimessum,
Imele Hyssekens to Osterhuzen,
Enno Edzardes to Gretzijl, hovetlinge.
x
| Fonds | Ostfriesisches Urkundenbuch, I |
|---|---|
| Fol.nr. | S. 315 |
| Nr | 350 |
| Olim | Nach dem Orig. im Archive zu Bremen. |
| Jaar | 1427 |
| Datumcode | DpAscDom |
x
| Commentaar | Die aufgedrückten Siegel haben stark gelitten, man kann noch Folgendes erkennen: 1. siehe Siegel Nr. 4 an Urkunde Nr. 349. - 2. Im Dreipass ein rechtssteigender Löwe, von der Umschrift ist nur S. Ymelo . . . . zu erkennen. - 3. siehe Siegel Nr. 5 an Urkunde Nr. 349. |
|---|